മുംബൈ : ഇന്ത്യയും പാകിസ്ഥാനും തമ്മിലുള്ള വർദ്ധിച്ചുവരുന്ന സംഘർഷത്തെക്കുറിച്ച് ബോളിവുഡ്, ടിവി താരങ്ങൾ തങ്ങളുടെ പ്രതികരണം അറിയിക്കുന്നതിൽ നിന്ന് മടിക്കുന്നില്ല. ഇന്ത്യയും പാകിസ്ഥാനും തമ്മിലുള്ള സംഘർഷത്തെക്കുറിച്ചും ഓപ്പറേഷൻ സിന്ദൂരിനെക്കുറിച്ചും അടുത്തിടെ പ്രശസ്ത ബോളിവുഡ് നടി ഹിന ഖാൻ പ്രതികരിച്ചു.
ഹിന ഖാൻ തന്റെ ഇൻസ്റ്റാഗ്രാം സ്റ്റോറിയിൽ ഒരു പോസ്റ്റ് പങ്കിട്ടു. അതിൽ സമാധാനം നിലനിർത്താൻ അഭ്യർത്ഥിക്കുകയും ഇന്ത്യൻ സൈന്യത്തിന് നന്ദി പറയുകയും ചെയ്തു. എന്നാൽ ഈ പോസ്റ്റിന് ശേഷം ഹിനയുടെ പാകിസ്ഥാൻ ആരാധകർ അവരെ അൺഫോളോ ചെയ്യാൻ തുടങ്ങി. കൂടാതെ നടിക്ക് ഭീഷണി സന്ദേശങ്ങൾ അയക്കാനും തുടങ്ങി. തുടർന്ന് ഹിന ഖാൻ തന്നെ ഒരു പോസ്റ്റ് പങ്കിടുകയും ഈ ആരോപണങ്ങൾക്ക് ഉചിതമായ മറുപടി നൽകുകയും ചെയ്തു.
പാകിസ്ഥാൻ ആരാധകർ തന്നെ അധിക്ഷേപിക്കുകയും ഭീഷണിപ്പെടുത്തുകയും അൺഫോളോ ചെയ്യുകയും ചെയ്യുന്നുവെന്ന് ഹിന ഖാൻ തന്റെ ഇൻസ്റ്റാഗ്രാം സ്റ്റോറിയിൽ പറഞ്ഞു. പോസ്റ്റ് പങ്കുവെക്കുന്നതിനിടെ ഹിന അവർക്കെതിരെ ആഞ്ഞടിക്കുക മാത്രമല്ല ഞാൻ ഒരു ഇന്ത്യക്കാരിയല്ലെങ്കിൽ ഒന്നു മാകില്ലെന്നും അവർ പറഞ്ഞു.
കൂടാതെ ഓപ്പറേഷൻ സിന്ദൂരിന് മുമ്പും ശേഷവും എന്റെ രാജ്യത്തെ പിന്തുണച്ചതിന് നിങ്ങളിൽ പലരും എന്നെ അധിക്ഷേപിക്കുകയും ശപിക്കുകയും ചെയ്തു. പലരും എന്നെ അൺഫോളോ ചെയ്തു. ഇതുമാത്രമല്ല, പലരും എന്നെ അൺഫോളോ ചെയ്യുമെന്ന് ഭീഷണിപ്പെടുത്തുകയും ചെയ്യുന്നു. ഈ ഭീഷണിയോടൊപ്പം അധിക്ഷേപകരവും അസഭ്യവും അപമാനകരവുമായ വാക്കുകൾ ഉപയോഗിക്കുന്നു, അത് വെറുപ്പ് മാത്രമേ കാണിക്കൂവെന്നും നടി പറഞ്ഞു.
ഇതിനു പുറമെ ഞാൻ എപ്പോഴും ആദ്യം ഒരു ഇന്ത്യക്കാരിയായിരിക്കും. ഞാൻ എന്റെ രാജ്യത്തെ പിന്തുണയ്‌ക്കുകയും രാജ്യത്തോടൊപ്പം നിൽക്കുകയും ചെയ്യുമെന്നും നടി പോസ്റ്റിൽ കുറിച്ചു.
