മലപ്പുറം:വളാഞ്ചേരിയില് നിപ സ്ഥിരീകരിച്ച യുവതി ഗുരുതരാവസ്ഥയില്. ആരോഗ്യ വകുപ്പ് രോഗിയുടെ റൂട്ട് മാപ്പ് പുറത്തുവിട്ടു.സമ്പര്ക്ക പട്ടികയിലുള്ളത് 49 പേരാണ് . ഇതില് ആറ് പേര്ക്ക് രോഗ ലക്ഷണങ്ങളുണ്ട്.
സമ്പര്ക്ക പട്ടികയിലുള്ള 49 പേരില് 45 പേര് ഹൈ റിസ്ക്ക് വിഭാഗത്തില് ഉള്ളവരാണ്. എന്നാല് പ്രദേശത്ത് അസ്വഭാവിക മരണങ്ങള് ഉണ്ടായിട്ടില്ലെന്ന് ആരോഗ്യ വകുപ്പ് അറിയിച്ചു.
വളാഞ്ചേരിയില് കഴിഞ്ഞ ദിവസമാണ് യുവതിക്ക് നിപ സ്ഥിരീകരിച്ചത്. ഗുരുതരാവസ്ഥയില് ഇവര് പെരിന്തല്മണ്ണ ആശുപത്രിയിലാണ് ചികിത്സയിലുളളത്. ഏപ്രില് 25 നാണ് യുവതി വളാഞ്ചേരിയിലെ സ്വകാര്യ ക്ലിനിക്കില് കടുത്ത പനിക്ക് ചികിത്സ തേടിയത്. പനിയും ശ്വാസതടസവും വിട്ടുമാറാതെ വന്നതോടെ ചികിത്സ പെരിന്തല്മണ്ണയിലെ ആശുപത്രിയിലേക്ക് മാറ്റി. നിപ ലക്ഷണങ്ങള് കണ്ടതോടെ ഇവരുടെ ശ്രവ സാമ്പിള് പരിശോധനയ്ക്കായി പൂനെ വൈറോളജി ഇന്സ്റ്റിറ്റ്യൂട്ടിലേക്ക് അയച്ചു. ഈ പരിശോധനഫലം പോസിറ്റീവാണെന്ന് അറിയിപ്പ് വന്നത്.
ഭര്ത്താവും മക്കളുമുള്പ്പെടെ അടുത്ത സമ്പര്ക്കമുള്ളവര് നിരീക്ഷണത്തിലാണ്. രോഗം സ്ഥിരീകരിച്ച മേഖലയിലെ 3 കിലോമീറ്റര് ചുറ്റളവില് കണ്ടെയ്മെന്റ് സോണ് ആയി പ്രഖ്യാപിച്ചു.
