പത്തനംതിട്ട: 59കാരനായ അല്ഷിമേഴ്സ് രോഗിക്ക് ഹോം നഴ്സിന്റെ ക്രൂര മര്ദ്ദനം.
തട്ടിയിലാണ് മുന് ബിഎസ്എഫ് ജവാന് കൂടിയായ വി ശശിധരന്പിള്ള ക്രൂരമര്ദനത്തിനിരയായത്. ഇയാളെ ഗുരുതരാവസ്ഥയില് പരുമലയിലെ സ്വകാര്യ ആശുപത്രിയില് പ്രവേശിപ്പിച്ചു.
സംഭവത്തില് വിഷ്ണു എന്ന ഹോം നേഴ്സിനെതിരെ കൊടുമണ് പൊലീസില് പരാതി നല്കി.വീണു പരുക്കേറ്റുഎന്നാണ് ഇയാള് ശശിധരന്പിള്ളയുടെ ബന്ധുക്കളെ അറിയിച്ചത്.
എന്നാല് സിസിടിവി പരിശോധിച്ചപ്പോള് ക്രൂരമര്ദനത്തിന്റെ ദൃശ്യങ്ങള് ലഭിച്ചു.നഗ്നനാക്കി നിലത്തുകൂടി വലിച്ചിഴക്കുന്ന ദൃശ്യങ്ങളടക്കം പുറത്തുവന്നു. വീട്ടിലെ സിസിടിവിയിലാണ് ക്രൂരമര്ദന ദൃശ്യങ്ങള് പതിഞ്ഞത്.
രോഗബാധിതനായ ശശിധരന്പിള്ളയെ പരിചരിക്കുന്നതിന് അടൂരിലുള്ള ഏജന്സി വഴിയാണ് ഹോം നഴ്സിനെ വെച്ചത്. ബന്ധുക്കള് തിരുവനന്തപുരം പാറശാലയിലാണ് താമസം. സംഭവത്തില് പൊലീസ് അന്വേഷണം ആരംഭിച്ചു.
