പത്തനംതിട്ടയില്‍ വീടിനു തീ പിടിച്ച് ഒരാള്‍ വെന്തുമരിച്ചു

പത്തനംതിട്ട : കോന്നി ഇളകൊള്ളൂരില്‍ വീടിനു തീ പിടിച്ച് ഒരാള്‍ വെന്തുമരിച്ചു. ഇളകൊള്ളൂര്‍ ലക്ഷം വീട്ടില്‍ വനജയുടെ മകന്‍ മനോജ് ആണ് മരിച്ചത്.

വനജയും മകനും ഭര്‍ത്താവുമാണ് വീട്ടില്‍ ഉണ്ടായിരുന്നത്. തീപിടിത്തത്തിന്റെ കാരണം വ്യക്തമല്ല.

വീട് പൂര്‍ണമായി കത്തി നശിച്ചു.നാട്ടുകാര്‍ ഉള്‍പ്പെടെ നടത്തിയ രക്ഷാപ്രവര്‍ത്തനത്തിലാണ് വനജയെയും ഭര്‍ത്താവിനെയും പുറത്തെത്തിച്ചത്. പിന്നീട് അഗ്നിശമന സേന നടത്തിയ പരിശോധനയിലാണ് മകനെ മരിച്ച നിലയില്‍ കണ്ടെത്തിയത്.