പാലക്കാട്:പാലക്കാട് സൗത്ത് പൊലീസ് സ്റ്റേഷന് ഉപരോധിച്ചതിന് രാഹുല് മാങ്കൂട്ടത്തില് എംഎല്എ അടക്കമുള്ളവര്ക്കെതിരെ കേസെടുത്തു.രാഹുല് മാങ്കൂട്ടത്തിലിനെയും കണ്ടാലറിയുന്ന 19 പേര്ക്കെതിരെയുമാണ് കേസെടുത്തത്.
അതിനിടെ ,രാഹുല് മാങ്കൂട്ടത്തില് എംഎല്എക്കെതിരെ കൊലവിളി പ്രസംഗം നടത്തിയെന്ന പരാതിയില് പാലക്കാട്ടെ ബിജെപി നേതാക്കള്ക്കെതിരെയും കേസെടുത്തിട്ടുണ്ട്. ബിജെപി പാലക്കാട് ജില്ലാ പ്രസിഡന്റ് പ്രശാന്ത് ശിവന്, ജില്ലാ ജനറല് സെക്രട്ടറി ഓമനക്കുട്ടന് എന്നിവര്ക്കെതിരെയാണ് കേസെടുത്തത്. ഇവര്ക്കെതിരെ കേസെടുക്കണമെന്ന് ആവശ്യപ്പെട്ട് കഴിഞ്ഞ ദിവസം രാഹുല് മാങ്കൂട്ടത്തിലിന്റെ നേതൃത്വത്തില് പൊലീസ് സ്റ്റേഷന് ഉപരോധിച്ചിരുന്നു.
പാലക്കാട് നഗരസഭയിലെ നൈപുണ്യ വികസന കേന്ദ്രത്തിന് ആര്എസ്എസ് സ്ഥാപക നേതാവ് ഹെഡ്ഗേവാറിന്റെ പേര് നല്കാനുള്ള നീക്കം വിവാദമാക്കിയ നടപടിയില് രാഹുല് മാങ്കൂട്ടത്തില് എംഎല്എയുടെ ഓഫീസിലേക്ക് ബിജെപി മാര്ച്ചിനിടെ കൊലവിളി പ്രസംഗം നടത്തിയെന്നാണ് ആരോപണം.എന്നാല് നൈപുണ്യ വികസന കേന്ദ്രത്തിന് ഡോകടര്ജിയുടെ പേര് തന്നെ നല്കുമെന്ന് നഗരസഭാ ചെയര്പേഴ്സണ് പറഞ്ഞു.
