മുംബൈ : വീണ്ടും ഓവർസീസ് മേധാവി സാം പിട്രോഡ ചൈനയെക്കുറിച്ച് നടത്തിയ പരാമർശങ്ങളിൽ നിന്ന് അകലം പാലിച്ച് കോൺഗ്രസ് പാർട്ടി. പിട്രോഡയുടെ പ്രസ്താവനകൾ ചൈനയെക്കുറിച്ചുള്ള പാർട്ടിയുടെ നിലപാടിനെ പ്രതിഫലിപ്പിക്കുന്നില്ലെന്ന് പാർട്ടി വ്യക്തമാക്കി.
എക്‌സിലെ ഒരു പോസ്റ്റിൽ കോൺഗ്രസ് ജനറൽ സെക്രട്ടറി ജയറാം രമേശ് ആണ് ഇക്കാര്യം അറിയിച്ചത്. “സാം പിട്രോഡ ചൈനയെക്കുറിച്ച് പ്രകടിപ്പിച്ചതായി ആരോപിക്കപ്പെടുന്ന അഭിപ്രായങ്ങൾ ഇന്ത്യൻ നാഷണൽ കോൺഗ്രസിന്റേതല്ല.” – രമേശ് പറഞ്ഞു.
ചൈനയെക്കുറിച്ച് മിസ്റ്റർ സാം പിട്രോഡ പ്രകടിപ്പിച്ചതായി ആരോപിക്കപ്പെടുന്ന അഭിപ്രായങ്ങൾ തീർച്ചയായും ഇന്ത്യൻ നാഷണൽ കോൺഗ്രസിന്റേതല്ല. നമ്മുടെ വിദേശനയം, ബാഹ്യ സുരക്ഷ, സാമ്പത്തിക മേഖല എന്നിവയിൽ ചൈന ഇപ്പോഴും ഏറ്റവും വലിയ വെല്ലുവിളിയാണെന്നും അദ്ദേഹത്തിന്റെ പരാമർശങ്ങൾക്ക് മറുപടിയായി രമേശ് പറഞ്ഞു.
ചൈനയിൽ നിന്നുള്ള ഭീഷണി എന്ന ആശയത്തെ ഭയക്കേണ്ടതില്ല എന്ന പരാമർശത്തിന് ശേഷമാണ് കോൺഗ്രസ് പാർട്ടിയിൽ നിന്നുള്ള വിശദീകരണം.
