ന്യൂദൽഹി : രാഹുൽ ഗാന്ധിയുടെ വിയറ്റ്നാം സന്ദർശനത്തെക്കുറിച്ച് ചോദ്യങ്ങൾ ഉന്നയിച്ച് ബിജെപി എംപി പ്രവീൺ ഖണ്ഡേൽവാൾ. രാഹുൽ ഗാന്ധി പലപ്പോഴും വിദേശ യാത്രകളിലാണ് കൂടുതൽ സമയവും ചെലവഴിക്കുന്നതെന്ന് അദ്ദേഹം ആരോപിച്ചു.
രാഹുൽ ഗാന്ധി ലോക്‌സഭയിലെ പ്രതിപക്ഷ നേതാവും പൊതുപ്രവർത്തകനുമാണെന്നും അദ്ദേഹം പറഞ്ഞു. അതിനാൽ അദ്ദേഹത്തിന്റെ വിദേശ യാത്രകളുടെ ഉദ്ദേശ്യത്തെയും ചെലവിനെയും കുറിച്ച് അറിയാൻ പൊതുജനങ്ങൾക്ക് അവകാശമുണ്ടെന്ന് അദ്ദേഹം വ്യക്തമാക്കി.
കൂടാതെ കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ പ്രസ്താവനകളോട് പ്രതികരിച്ച ഖണ്ഡേൽവാൾ ആരോപണങ്ങൾ ഉന്നയിക്കുന്നതിന് മുമ്പ് കോൺഗ്രസ് പാർട്ടിയുടെ ചരിത്രം വേണ്ടത്ര പരിശോധിച്ചിട്ടില്ലെന്ന് തനിക്ക് തോന്നിയതായി ഖണ്ഡേൽവാൾ പറഞ്ഞു. ഖാർഗെ മറ്റുള്ളവരെ കുറ്റപ്പെടുത്തുന്നത് കോൺഗ്രസ് അതിന്റെ ഭരണകാലത്ത് ചെയ്ത പ്രവൃത്തികളാണെന്നും അദ്ദേഹം തുറന്നടിച്ചു.
