കൊല്ലം: ഭാര്യ സ്ത്രീധന പീഡന പരാതി നല്കിയതിനെ തുടര്ന്ന് വര്ക്കല പൊലീസ് സ്റ്റേഷനിലെ സബ് ഇന്സ്പക്ടര്ക്ക് സസ്പെന്ഷന്. കൊല്ലം പരവൂര് സ്വദേശിനിയാണ് പരാതി നല്കിയത്. വര്ക്കല എസ്.ഐ എസ്.അഭിഷേകിനെയാണ് സസ്പെന്ഡ് ചെയ്തത്.
വകുപ്പുതല അന്വേഷണ റിപ്പോര്ട്ട് കണക്കിലെടുത്താണ് തിരുവനന്തപുരം റേഞ്ച് ഡിഐജി അജിതാബീഗം നടപടി സ്വീകരിച്ചത്.ഭര്ത്താവും വനിത എസ്ഐയുമായുള്ള ബന്ധം ചോദ്യം ചെയ്തതിനെ തുടര്ന്ന് മര്ദനമേറ്റെന്നും യുവതി പരാതിയില് പറഞ്ഞിരുന്നു.
കേസില് രണ്ടാം പ്രതി വനിതാ എസ്.ഐയെ കഴിഞ്ഞ ദിവസം കൊല്ലത്ത് നിന്ന് സ്ഥലം മാറ്റി. എസ്.ഐ അഭിഷേകിന്റെ പെരുമാറ്റദൂഷ്യം സേനയ്ക്ക് അവമതിപ്പ് ഉണ്ടാക്കുന്നതാണെന്ന് സസ്്പെന്ഷന് ഉത്തരവില് പറയുന്നു.
യുവതിയുടെ പരാതിയില് പരവൂര് പൊലീസ് രജിസ്റ്റര് ചെയ്ത കേസ് ഇപ്പോള് ക്രൈംബ്രാഞ്ച് ആണ് അന്വേഷിക്കുന്നത്. ജാമ്യമില്ലാ വകുപ്പ് ചുമത്തി കേസെടുത്തെങ്കിലും പ്രതികള്ക്കെതിരെ നടപടി ഉണ്ടാകാത്തതിനെ തുടര്ന്ന് യുവതി മുഖ്യമന്ത്രിക്ക് ഉള്പ്പെടെ പരാതി നല്കിയിരുന്ന
