പ്രധാനമന്ത്രി നരേന്ദ്രമോദിയെ മുഹമ്മദ് ഗസ്നി എന്ന് വിളിച്ച തെലങ്കാന മുഖ്യമന്ത്രി എൻ രേവന്ത് റെഡ്ഡിയുടെ നടപടിക്കെതിരെ ശക്തമായ പ്രതിഷേധമുയർന്നു. ഭരണഘടനാ ശില്പി ബി ആര്‍ അംബേദ്കറുടെ ജന്മ ഗ്രാമമായ മോവിൽ കോൺഗ്രസിന്റെ ജയ് ബാപ്പു – ജയ് ഭീം – ജയ് ഭരണഘടന റാലിയിൽ പ്രസംഗിക്കുകയായിരുന്നു രേവന്ത് റെഡ്ഡി. പ്രധാനമന്ത്രി നരേന്ദ്രമോദി ഇന്ത്യൻ ഭരണഘടന മാറ്റാൻ ആവർത്തിച്ച് ശ്രമം നടത്തുന്നു എന്ന് ചൂണ്ടിക്കാണിച്ച രവീന്ദ്രൻ പതിനൊന്നാം നൂറ്റാണ്ടിൽ ഇന്ത്യയെ പലതവണ ആക്രമിച്ച അധിനിവേശക്കാരനായ മുഹമ്മദ് ഗസ്നിയോട് പ്രധാനമന്ത്രിയെ ഉപമിക്കുകയായിരുന്നു.
മുഹമ്മദ് ഗസ്നി ഇന്ത്യയെ കൊള്ളയടിക്കാനും കീഴടക്കാനും പല തവണ ശ്രമിച്ചതായി ചരിത്രത്തിൽ വായിച്ചിട്ടുണ്ട്. ഇന്ന് പ്രധാനമന്ത്രി മോദി ഭരണഘടന മാറ്റാനും സംവരണം ഇല്ലാതാക്കാനും ശ്രമിക്കുന്നു. പക്ഷേ അദ്ദേഹത്തിന്റെ ശ്രമം നടക്കില്ല. അദ്ദേഹം പറഞ്ഞു. കാരണം അതേ ശക്തിയിൽ ഞങ്ങൾ ഭരണഘടനയെ രക്ഷിക്കാൻ ശ്രമിക്കും ഇതിനാണ് ഇന്ന് മോത്തു കൂടിയത് രേവന്ത് റെഡ്ഡി പറഞ്ഞു. മുഖ്യമന്ത്രിയുടെ ഈ പരാമർശത്തെ ബിജെപി ശക്തമായി അപലപിച്ചു. രേവന്ത് റെഡ്ഡി രാജ്യത്തോട് മാപ്പ് പറയണമെന്ന് ബിജെപി ആവശ്യപ്പെട്ടു. രാജ്യത്തിന് നാണക്കേടെന്നാണ് ബിജെപി റെഡ്ഡിയുടെ നടപടിയെ വിശേഷിപ്പിച്ചത്. റെഡ്ഡിയുടെ നടപടി അങ്ങേയറ്റം ലജ്ജാകരമാണെന്ന് വിവാദ വീഡിയോ സോഷ്യൽ മീഡിയയിൽ പങ്കുവെച്ചുകൊണ്ട് ബിജെപി മധ്യപ്രദേശ് ഘടകം അധ്യക്ഷൻ വി ഡി ശർമ്മ പറഞ്ഞു. കോൺഗ്രസ് പാർട്ടിയുടെയും നേതൃത്വത്തിന്റെയും വിദ്വേഷം നിറഞ്ഞ വിഷലിപ്തമായ മാനസികാവസ്ഥ ഒരിക്കൽ കൂടി നിങ്ങൾ പുറത്തുകാണിച്ചു എന്ന് അദ്ദേഹം വ്യക്തമാക്കി. കേന്ദ്രമന്ത്രി ജ്യോതിരാദിത്യ സിന്ധ്യയും രേവന്ത് റെഡ്ഡിയുടെ നടപടിയിൽ ശക്തമായി പ്രതിഷേധിച്ചു.
