കോഴിക്കോട്: കൊയിലാണ്ടിയില് ട്രാഫിക് പൊലീസ് എഎസ്ഐയെ മര്ദ്ദിച്ചെന്ന പരാതിയെ തുടര്ന്ന് കൊയിലാണ്ടി എടക്കുളം സ്വദേശി നിഹാബ് അബൂബക്കറിനെ പൊലീസ് അറസ്റ്റ് ചെയ്തു. കോടതിയില് ഹാജരാക്കി ഇയാളെ റിമാന്ഡ് ചെയ്തു.
വ്യാഴാഴ്ച രാവിലെ ട്രാഫിക് സ്റ്റേഷനിലെത്തിയ യുവാവ് എഎസ്ഐ സജീവനെ ആക്രമിക്കുകയായിരുന്നു.ട്രാഫിക് നിയമ ലംഘനത്തിന് തനിക്ക് ലഭിച്ച പിഴ അടക്കുന്നതുമായി ബന്ധപ്പെട്ട കാര്യം അന്വേഷിക്കാന് ട്രാഫിക് സ്റ്റേഷനില് എത്തിയതാണ് നിഹാബ് അബൂബക്കര്.
ആദ്യം സ്റ്റേഷനിലെത്തി ഫൈന് സംബന്ധിച്ച കാര്യങ്ങള് സംസാരിച്ച് തിരിച്ചുപോയി.. കുറച്ചുകഴിഞ്ഞ് വീണ്ടുമെത്തി എഎസ്ഐയെ മര്ദ്ദിക്കുകയായിരുന്നുവെന്നാണ് പൊലീസ് പറയുന്നത്.
നിഹാബിനെ ഉടന് തന്നെ പൊലീസ് കസ്റ്റഡിയിലെടുത്തു. വാക്കേറ്റത്തിനിടെ നിഹാബ് എ.എസ്.ഐയുടെ യൂണിഫോം പിടിച്ചുവലിക്കുകയും ചവിട്ടുകയും ചെയ്തെന്നാണ് പൊലീസ് ഭാഷ്യം. പരിക്കേറ്റ എഎസ്ഐ കൊയിലാണ്ടി താലൂക്ക് ആശുപത്രിയില് ചികിത്സ തേടി.
