തൃശൂര്:യുവതിയെ മയക്കുമരുന്ന് കലര്ത്തിയ വെളളം നല്കി പീഡിപ്പിച്ചെന്ന കേസില് യുവാവ് അറസ്റ്റില്.ചെറുതുരുത്തി മുള്ളൂര്ക്കര സ്വദേശി ആഷികിനെ (26) ആണ് ഈസ്റ്റ് പൊലീസ് പിടികൂടിയത്..കഴിഞ്ഞ ജൂണ് പതിനാലിനാണ് കേസിന് ആധാരമായ സംഭവം.
വിവാഹ വാഗ്ദാനം നല്കിയും പ്രതിയുടെ ഓണ്ലൈന് ഡിജിറ്റല് കോയിന് ബിസിനസിന്റെ ഭാഗമായി വിദേശത്ത് നടത്തുന്ന കള്ച്ചറല് പ്രോഗ്രാമില് യുവതിയുടെ പരിപാടി ഉള്പ്പെടുത്താമെന്നും പറഞ്ഞ് പീഡിപ്പിച്ചെന്നാണ് പരാതി. തൃശൂരിലെ ഹോട്ടലിലേക്ക് എത്തിച്ച് മയങ്ങാനുള്ള മരുന്ന് കലക്കിയ വെള്ളം നല്കി പീഡിപ്പിച്ചെന്നാണ് കേസ്.
കഴിഞ്ഞ 20നാണ് യുവതി ഈസ്റ്റ് പൊലീസ് സ്റ്റേഷനില് പരാതി നല്കിയത്. തുടര്ന്ന് അന്വേഷണത്തില് പ്രതിയെ വിയ്യൂരിലെ ഫ്ലാറ്റില് നിന്നും പിടികൂടുകയായിരുന്നു. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
