മുംബൈ : മഹാരാഷ്ട്ര നിയുക്ത മുഖ്യമന്ത്രി ദേവേന്ദ്ര ഫഡ്‌നാവിസിന്റെ സത്യപ്രതിജ്ഞാ ചടങ്ങിൽ പങ്കെടുക്കാൻ ഗോവ മുഖ്യമന്ത്രി പ്രമോദ് സാവന്ത് മുംബൈയിലെത്തി. ഫഡ്‌നാവിസിന്റെ മഹാരാഷ്ട്ര ഇരട്ടി വേഗത്തിൽ മുന്നേറുമെന്ന് അദ്ദേഹം പറഞ്ഞു.
“ദേവേന്ദ്ര ഫഡ്‌നാവിസിന് ഞാൻ എന്റെ ആശംസകൾ നേരുന്നു. മഹാരാഷ്‌ട്രയിൽ എൻഡിഎ സർക്കാർ വീണ്ടും അധികാരത്തിലേറിയതിൽ ഞാൻ അഭിമാനിക്കുന്നു. മൂന്നാം തവണയാണ് അദ്ദേഹം മഹാരാഷ്ട്ര മുഖ്യമന്ത്രിയായി തിരഞ്ഞെടുക്കപ്പെട്ടത്. അദ്ദേഹത്തിന് ആശംസകൾ നേരുന്നു. മഹാരാഷ്ട്ര അതിന്റെ ഇരട്ടി വേഗത്തിൽ മുന്നേറും, ”- സാവന്ത് മാധ്യമപ്രവർത്തകരോട് പറഞ്ഞു.
ഉത്തർപ്രദേശ് ഉപമുഖ്യമന്ത്രി ബ്രജേഷ് താക്കൂറും മുംബൈയിലെത്തി മഹായുതി സർക്കാരിന് ആശംസകൾ നേർന്നു.
“ഈ അവസരത്തിൽ, ദേവേന്ദ്ര ഫഡ്‌നാവിസ് സാഹിബിനെയും അദ്ദേഹത്തിന്റെ മുഴുവൻ ടീമിനെയും ഏകനാഥ് ഷിൻഡേ ജിയെയും അജിത് ദാദയെയും ഞാൻ അഭിനന്ദിക്കുന്നു. സംസ്ഥാനത്ത് വിജയിച്ച മഹാരാഷ്ട്ര ബിജെപിയെയും ഞാൻ അഭിനന്ദിക്കുന്നു. ഇരട്ട എഞ്ചിൻ സർക്കാർ സംസ്ഥാനത്തെ ബഹുമുഖ വികസനത്തിന് മാനദണ്ഡമാക്കും, ”- പഥക് പറഞ്ഞു.
അതേസമയം ഇന്ന് രാവിലെ ദേവേന്ദ്ര ഫഡ്‌നാവിസ് മുംബൈയിലെ ശ്രീ സിദ്ധിവിനായക് ക്ഷേത്രത്തിലും ശ്രീ മുംബാദേവി ക്ഷേത്രത്തിലും പ്രാർത്ഥന നടത്തി. മഹാരാഷ്ട്ര മുഖ്യമന്ത്രിയായി ദേവേന്ദ്ര ഫഡ്‌നാവിസ് ഇന്ന് വൈകിട്ട് മുംബൈയിലെ ആസാദ് മൈതാനിയിൽ സത്യപ്രതിജ്ഞ ചെയ്യും.
പ്രധാനമന്ത്രി നരേന്ദ്ര മോദിയുടെ സാന്നിധ്യത്തിൽ നടക്കുന്ന ചടങ്ങിൽ രണ്ട് ഉപമുഖ്യമന്ത്രിമാരായ എൻസിപി നേതാവ് അജിത് പവാർ, ശിവസേന അധ്യക്ഷൻ ഏകനാഥ് ഷിൻഡെ എന്നിവരും സത്യപ്രതിജ്ഞ ചെയ്യും.
