ഇടുക്കി: ഭാര്യയെ ആക്രമിച്ച് മാലപൊട്ടിച്ച് കടന്ന ഭര്ത്താവിനെ പൊലീസ് അറസ്റ്റ് ചെയ്തു. നെടുങ്കണ്ടം കല്ലാര് സ്വദേശി പുളിക്കല് അഭിലാഷാണ് പിടിയിലായത്.
കഴിഞ്ഞ ദിവസം പട്ടാപകല് നെടുങ്കണ്ടം കിഴക്കേ കവലയിലാണ് സംഭവം നടന്നത്.റോഡിലൂടെ നടന്ന് പോവുകയായിരുന്ന ഭാര്യയെ അഭിലാഷ് കാറില് പിന്തുടര്ന്നെത്തി ഇടിച്ചു വീഴ്ത്താന് ശ്രമിച്ചെങ്കിലും വാഹനം വരുന്നത് കണ്ട യുവതി സമീപത്തെ വ്യാപാര സ്ഥാപനത്തിനടുത്തേക്ക് ഓടി മാറി.കാര് നിര്ത്തി ഇറങ്ങിയ അഭിലാഷ് ഭാര്യയെ നിലത്തേയ്ക്ക് വലിച്ചിട്ട് മര്ദ്ദിച്ചു.
ഓടിക്കൂടിയ നാട്ടുകാരാണ് ഇരുവരെയും പിടിച്ചു മാറ്റിയത്. അക്രമണത്തിനിടെ യുവതിയുടെ കഴുത്തില് അണിഞ്ഞിരുന്ന ആറുഗ്രാം തൂക്കമുള്ള സ്വര്ണ മാലയും കൈക്കലാക്കി ഇയാള് കടന്നു.യുവതിയുടെ പരാതിയില് കേസെടുത്ത നെടുങ്കണ്ടം പൊലീസ് പ്രതിയെ അറസ്റ്റ് ചെയ്തു.
അടുത്തിടെ കടം വീട്ടുന്നതിനായി ഇവരുടെ കൈവശമുണ്ടായിരുന്ന സ്ഥലം വില്ക്കുകയുണ്ടായി. സ്ഥിരം മദ്യപാനിയായ ഇയാള്ക്കെതിരെ ഭാര്യ പലതവണ പൊലീസില് പരാതി നല്കിയിട്ടുണ്ട്. കുറച്ചു നാളായി ഇരുവരും അകന്ന് കഴിയുകയാണ്. ഇതോടൊപ്പം അടുത്തിടെ അഭിലാഷിനെതിരെ കുടുംബ കോടതിയിലും പരാതി നല്കി.
