തൃശൂര്‍: മാളയില്‍ വിദ്യാര്‍ത്ഥിനികള്‍ക്കുനേരെ തെരുവുനായ ആക്രമണം. മാള കുഴിക്കാട്ടിശ്ശേരി സെന്റ് മേരീസ് സ്‌കൂളിലെ വിദ്യാര്‍ത്ഥിനികള്‍ക്ക് നേരെയാണ് തെരുവുനായ ആക്രമണം ഉണ്ടായത്. രണ്ട് വിദ്യാര്‍ഥിനികളെയാണ് തെരുവുനായ ആക്രമിച്ചത്. സംഭവത്തിനിടെ ഓടി രക്ഷപ്പെടുന്നതിനിടയില്‍ ഒരു വിദ്യാര്‍ത്ഥിക്ക് റോഡില്‍ വീണു പരിക്കേറ്റു.
സ്‌കൂള്‍ ബസില്‍ നിന്നും ഇറങ്ങി സ്‌കൂളിലേക്ക് പോകുന്ന വഴിയാണ് തെരുവുനായ മൂന്നു വിദ്യാര്‍ത്ഥികളെയും ഓടിച്ച് ആക്രമിക്കാന്‍ ശ്രമിച്ചത്. ഇന്ന് രാവിലെയാണ് സംഭവം. തെരുവുനായ ആക്രമണത്തില്‍ പരിക്കേറ്റ വിദ്യാര്‍ത്ഥിനികളെ ആദ്യം പുത്തന്‍ചറാ ഗവണ്‍മെന്റ് ആശുപത്രിയിലേക്കും പിന്നീട് അവിടെ നിന്നും കൊടുങ്ങല്ലൂര്‍ താലൂക്ക് ആശുപത്രിയിലേക്കും മാറ്റി.
