കൊച്ചി: തപസ്യ കലാസാഹിത്യവേദിയുടെ ഈ വര്‍ഷത്തെ പ്രൊഫ. തുറവൂര്‍ വിശ്വംഭരന്‍ പുരസ്‌കാരം പ്രമുഖ എഴുത്തുകാരനും പ്രഭാഷകനും ചരിത്രകാരനും കലാപണ്ഡിതനുമായ ഡോ. എം. ജി. ശശിഭൂഷണ്.
സംസ്‌കാരത്തിന്റെ വിവിധ മേഖലകളിലെ സംഭാവനകള്‍ കണക്കിലെടുത്താണ് പുരസ്‌കാരത്തിനു തെരഞ്ഞെടുത്തത്. ഡോ. സുവര്‍ണ നാലപ്പാട്ട്, പ്രൊഫ. കെ.പി. ശശിധരന്‍, ഡോ. ശ്രീശൈലം ഉണ്ണിക്കൃഷ്ണന്‍ എന്നിവരുടെ ജൂറിയാണ് പുരസ്‌കാരം നിര്‍ണയിച്ചത്.
50,000 രൂപയും പ്രശംസാപത്രവും ഫലകവും അടങ്ങുന്നതാണ് പുരസ്‌കാരം. നവം. 17ന് എറണാകുളം സഹോദരന്‍ അയ്യപ്പന്‍ഹാളിലെ (സഹോദര സൗധം) മഹാഭാരത സമീക്ഷ സമാപനത്തില്‍ പുരസ്‌കാരം സമ്മാനിക്കുമെന്ന് തപസ്യ സംസ്ഥാന വര്‍ക്കിങ് പ്രസിഡന്റ് പ്രൊഫ. പി.ജി. ഹരിദാസും സംസ്ഥാന ജന. സെക്രട്ടറി കെ.ടി. രാമചന്ദ്രനും അറിയിച്ചു.
പ്രതികരിക്കാൻ ഇവിടെ എഴുതുക: