തൃശ്ശൂര്: ചാവക്കാട് പുന്ന അയ്യപ്പ സുബ്രഹ്മണ്യ ക്ഷേത്രത്തില് വന് കവര്ച്ച. ക്ഷേത്രത്തിലെ അലമാര കുത്തിപ്പൊളിച്ചാണ് കവര്ച്ച നടത്തിയിരിക്കുന്നത്. ക്ഷേത്രത്തില് നിന്നും 6 പവനോളം സ്വര്ണാഭരണങ്ങളും വെള്ളിയും പണവും നഷ്ടപ്പെട്ടിട്ടുണ്ട്. ഇന്ന് രാവിലെ ക്ഷേത്രത്തില് എത്തിയ മാനേജര് സുരേഷാണ് മോഷണ വിവരം ആദ്യം അറിഞ്ഞത്.
സംഭവത്തില് ചാവക്കാട് പോലീസ് സ്ഥലത്തെത്തി അന്വേഷണം ആരംഭിച്ചു. ക്ഷേത്ര ഓഫീസിന്റെ പൂട്ടു തകര്ത്ത് അകത്തുകയറിയ മോഷ്ടാവ് ഓഫീസിലെ അലമാര തുറന്നാണ് സ്വര്ണ്ണവും പണവും കവര്ന്നത്. ക്ഷേത്രത്തിലെ കിരീടം, മാല, താലി, സ്വര്ണ്ണവേല് ഉള്പ്പടെ 6 പവന് സ്വര്ണ്ണമാണ് നഷ്ടമായത്. 2 വെള്ളിക്കുടവും 23000 രൂപയും കവര്ന്നിട്ടുണ്ട്. വിരലടയാള വിദഗ്ധര് സ്ഥലത്തെത്തി ശാസ്ത്രീയ പരിശോധന നടത്തി.
