ന്യൂഡല്‍ഹി: നിങ്ങള്‍ എന്റെ കുടുംബം പോലെയാണ്. ഓരോ തവണ വരുമ്പോഴും ആ അടുപ്പം കൂടുന്നു. നിങ്ങളുടെ നല്ലകാലത്തും മോശം കാലത്തും ഞാന്‍ ഒപ്പമുണ്ടാകും. എന്നെ ചേര്‍ത്തുവച്ചതിന് ഹൃദയത്തിന്റെ ആഴത്തില്‍ നിന്ന് നന്ദി പറയുന്നു
നാമനിര്‍ദ്ദേശപത്രിക സമര്‍പ്പിക്കാന്‍ വയനാട്ടിലെത്തിയ കോണ്‍ഗ്രസ് നേതാവ് പ്രിയങ്ക ഗാന്ധിയുടേതാണ് ഈ വാക്കുകള്‍. മാസങ്ങള്‍ക്ക് മുന്‍പ് മറ്റൊരാള്‍ ഇതുപോലെ വന്നു പറഞ്ഞിട്ട് പോയതാണ്. രാഹുല്‍ ഗാന്ധി. ഞാന്‍ നിങ്ങള്‍ക്കൊപ്പമാണ് എന്ന് അദ്ദേഹത്തിന്റെ വാക്കുകള്‍ വിശ്വസിച്ച വയനാട്ടുകാര്‍ അദ്ദേഹത്തെ വിജയിപ്പിച്ച അയയ്‌ക്കുകയും ചെയ്തു. വല്ലപ്പോഴും ഒന്നു വന്നു പോകുന്നതല്ലാതെ സാധാരണ പാര്‍ലമെന്റ് അംഗത്തിന്റെ ഒരു സഹായവും ഇന്നാട്ടുകാര്‍ക്ക് ലഭിച്ചിട്ടില്ല. വീണ്ടും തെരഞ്ഞെടുക്കപ്പെട്ടപ്പോഴാകട്ടെ എക്കാലും ഉണ്ടാകും എന്ന് ഉറപ്പുനല്‍കിയ രാഹുല്‍ വയനാട്ടുകാരെ ഉപേക്ഷിച്ചു പോവുകയും ചെയ്തു. അങ്ങനെ മറ്റൊരു ഉപതെരഞ്ഞെടുപ്പിനും വഴിയൊരുക്കി. തുടര്‍ന്ന് സഹോദരിയെ അടുത്ത സ്ഥാനാര്‍ത്ഥിയായി നിര്‍ത്തി. സഹോദരിയും അതുതന്നെ ആവര്‍ത്തിക്കുന്നു. ഞങ്ങള്‍ ഒപ്പമുണ്ടാകും.
ഇവര്‍ നല്‍കുന്ന ഉറപ്പുകള്‍ക്ക് എന്താണ് വില എന്നാണ് നാട്ടുകാര്‍ ചോദിക്കുന്നത്.
