കൊച്ചി : മൂന്നര വയസുകാരന്‍ എല്‍കെജി വിദ്യാര്‍ത്ഥിയെ ക്രൂരമായി മര്‍ദ്ദിച്ച അധ്യാപികയെ പിരിച്ചുവിട്ടു.മട്ടാഞ്ചേരിയില്‍ ഗുജറാത്തി വിഭാഗം നടത്തുന്ന സ്മാര്‍ട്ട് കിഡ് എന്ന പ്ലേ സ്‌കൂളിലെ അധ്യാപിക സീതാലക്ഷ്മിയെ ആണ് പിരിച്ച് വിട്ടത്.
പാലസ് റോഡിലെ സ്വകാര്യ പ്ലേ സ്‌കൂളില്‍ കഴിഞ്ഞ ദിവസമാണ് സംഭവം. ക്ലാസില്‍ ചോദ്യത്തിന് ഉത്തരം നല്‍കിയില്ലെന്നതിനാണ് പറഞ്ഞാണ് അധ്യാപിക സീതാലക്ഷ്മി കുട്ടിയെ ചൂരല്‍ കൊണ്ട് പലവണ അടിച്ചത്.
പ്ലേ സ്‌കൂളില്‍ രണ്ടുമാസം മുമ്പാണ് സീതാലക്ഷ്മി അധ്യാപികയായി എത്തിയത്. അടിയറ്റ കുട്ടി വിവരം വീട്ടില്‍ അറിയിച്ചു. പിന്നാലെ രക്ഷിതാക്കള്‍ മട്ടാഞ്ചേരി പൊലീസില്‍ പരാതി നല്‍കി. ജുവനൈല്‍ ആക്ട് പ്രകാരം കേസെടുത്ത പൊലീസ് സീതാലക്ഷ്മിയെ അറസ്റ്റ് ചെയ്തു. കോടതിയില്‍ ഹാജരാക്കിയ പ്രതിയെ ജാമ്യത്തില്‍ വിട്ടു.
