തിരുവനന്തപുരം: കൈക്കൂലി ഉള്പ്പെടെ ആരോപണങ്ങളെ തുടര്ന്ന് ഇടുക്കി ഡിഎംഒ ഡോ.എല്. മനോജിനെ സര്വീസില് നിന്ന് സസ്പെന്ഡ് ചെയ്തു.ഡോ.മനോജിനെതിരെ നേരത്തെ ആരോഗ്യവകുപ്പിന് പരാതികള് ലഭിച്ചിരുന്നു.
ഗുരുതരമായ ആരോപണങ്ങള് ഉള്പ്പെടുന്ന പരാതികള് ലഭിച്ച പശ്ചാത്തലത്തിലാണ് ഡോ.എല്. മനോജിനെ അന്വേഷണ വിധേയമായി സസ്പെന്ഡ് ചെയ്യുന്നതെന്നാണ് ഉത്തരവ്.നിലവിലെ ഇടുക്കി ജില്ലാ മെഡിക്കല് ഓഫീസിലെ ഡെപ്യൂട്ടി ജില്ലാ മെഡിക്കല് ഓഫീസര് ഡോ. സുരേഷ് എസ്. വര്ഗീസിന് ഇടുക്കി ജില്ലാ മെഡിക്കല് ഓഫീസറുടെ അധിക ചുമതല നല്കിയിട്ടുണ്ട്.
ഡോ.എല്. മനോജിനെതിരായ പരാതിയില് അന്വേഷണം നടത്താന് ആരോഗ്യ വകുപ്പ് ഡയറക്ടര്ക്ക് നിര്ദ്ദേശം നല്കി. 15 ദിവസത്തിനകം റിപ്പോര്ട്ട് നല്കണം.
