പിറവം: ചരിത്രമുറങ്ങുന്ന പാഴൂര് പടിപ്പുരയിലെ ജ്യോത്സ്യന് പി.എസ്. സുരേന്ദ്രന്(75) അന്തരിച്ചു. ഇന്നലെ പുലര്ച്ചെ നാല് മണിയോടെ സ്വവസതിയിലായിരുന്നു അന്ത്യം.
പാഴൂര് പടിപ്പുരയില് കഴിഞ്ഞ 57 വര്ഷമായി പ്രശ്നം നോക്കി ഫലം പ്രവചിച്ചിരുന്നു. സംസ്ഥാനത്തിന്റെ വിവിധ പ്രദേശങ്ങളില് നിന്നായി നിരവധിയാളുകള് നിത്യേനേ അദ്ദേഹത്തെ സന്ദര്ശിച്ചിരുന്നു. ബുധശുക്രന്മാരുടെ സാന്നിധ്യമുള്ള പടിപ്പുരയിലിരുന്നാണ് ജ്യോത്സ്യന് പ്രശ്നം നോക്കിയിരുന്നത്. എന്നാല് ഒരു വര്ഷത്തോളമായി ചികിത്സയിലായിരുന്നതിനാല് തറവാട്ട് വീട്ടില് വച്ചായിരുന്നു ജ്യോതിഷ കാര്യങ്ങള് നോക്കിയിരുന്നത്.
വൈകിട്ട് വന് ജനാവലിയുടെ സാന്നിധ്യത്തില് വീട്ടുവളപ്പില് മൃതദേഹം സംസ്കരിച്ചു. ഭാര്യ: പത്തനാപുരം മഞ്ചല്ലൂര് കുടുംബാംഗം ഇന്ദിര. മക്കള്: ഡോ. ആശ, ഡോ. അഞ്ജന. മരുമക്കള്: ഡോ. സുജിത്ത്, ശ്രീനാഥ്.
