ഹൂബ്ലി ; ആശുപത്രി വളപ്പിൽ ഗണേശ വിഗ്രഹം സ്ഥാപിച്ച ജീവനക്കാർക്ക് കാരണം കാണിക്കൽ നോട്ടീസ് നൽകി ഹൂബ്ലി ഇഎസ് ഐ ആശുപത്രിയുടെ മാനേജ്മെൻ്റ് ബോർഡ് .ഹൂബ്ലി-കാർവാര റോഡിലെ ഹോസ്പിറ്റലിൽ കഴിഞ്ഞ മൂന്ന് വർഷമായി ഗണേശ വിഗ്രഹം സ്ഥാപിക്കാൻ അനുമതി നൽകിയിരുന്നു .
എന്നാൽ, ഇത്തവണ വിഗ്രഹം സ്ഥാപിക്കാൻ അനുമതിയില്ലാത്തതിനാൽ ആശുപത്രി വളപ്പിൽ വിഗ്രഹം സ്ഥാപിച്ച് പൂജ നടത്തി. മുസ്ലീമായതിനാലാണ് വിഗ്രഹം സ്ഥാപിക്കാൻ ആശുപത്രി മേധാവി യൂനിസ് നജ്മി അനുമതി നൽകാത്തതെന്നും പരാതി ഉയർന്നിരുന്നു .
‘ ഈ മാസം 20ന് നിങ്ങൾ ഒരു സർക്കാർ ജീവനക്കാരനെന്ന നിലയിൽ ഹിന്ദു അനുകൂല സംഘടനകൾക്കൊപ്പം ഗണേശ വിഗ്രഹം സ്ഥാപിച്ചുവെന്നും നിങ്ങൾക്കെതിരെ നടപടിയെടുക്കാതിരിക്കാൻ കാരണം വ്യക്തമാക്കണമെന്നും ‘ കാട്ടിയാണ് ജീവനക്കാർക്ക് നോട്ടീസ് നൽകിയത്. മറുപടി നൽകാൻ ഏഴു ദിവസം സമയം നൽകിയിട്ടുണ്ട്.
ഇക്കാര്യം പുറത്തുപറയരുതെന്നും സൂപ്രണ്ട് നജ്മി പറഞ്ഞിട്ടുണ്ടെന്ന് ജീവനക്കാർ പറയുന്നു . അതേസമയം വിഷയത്തിൽ ശക്തമായ പ്രതിഷേധവുമായി ഹിന്ദു സംഘടനകളും രംഗത്തെത്തി.
