കൊച്ചി: ബിജെപി മെമ്പര്ഷിപ്പ് കാമ്പയിന്റെ ഭാഗമായി അഖില കേരള വീരശൈവ മഹാസഭ സംസ്ഥാന പ്രസിഡന്റ് എ.കെ. ചന്ദ്രന്, സംസ്ഥാന ട്രഷറര് സുബാധ് ടി.ബി., യുവജന വിഭാഗം സംസ്ഥാന പ്രസിഡന്റ് അനന്തകൃഷ്ണന് വി.എസ്., എറണാകുളം ജില്ലാ സെക്രട്ടറി വിനോദ് വി.എന്. എന്നിവര് ബിജെപി അംഗത്വം സ്വീകരിച്ചു.
ബിജെപി എറണാകുളം ജില്ലാ ഓഫീസില് നടന്ന യോഗത്തില് ഒബിസി മോര്ച്ച നാഷണല് ഐടി കണ്വീനര് രാഹുല് നഗര് അംഗത്വം നല്കി പാര്ട്ടിയിലേക്ക് സ്വകീരിച്ചു. പിന്നാക്ക വിഭാഗങ്ങള്ക്ക് ഏറ്റവും മുന്ഗണന നല്കിയ രാഷ്ട്രീയ പാര്ട്ടി ബിജെപിയാണെന്നും നരേന്ദ്ര മോദി സര്ക്കാരിന്റെ കീഴിലാണ് പിന്നാക്ക വിഭാഗത്തിന് അധികാരത്തിന്റെ ഉയര്ന്ന ശ്രേണികളില് എത്തുവാന് സാധിച്ചതെന്നും അദ്ദേഹം പറഞ്ഞു.
ഒബിസി മോര്ച്ച ജില്ലാ പ്രസിഡന്റ് കെ.കെ. വേലായുധന് അധ്യക്ഷനായ യോഗത്തില് ബിജെപി ജില്ലാ പ്രസിഡന്റ് അഡ്വ. കെ.എസ്. ഷൈജു, ജനറല് സെക്രട്ടറി എസ്. സജി, ഒബിസി മോര്ച്ച സംസ്ഥാന ജനറല് സെക്രട്ടറി അഡ്വ. എ.വി. അരുണ് പ്രകാശ്. സംസ്ഥാന ഐടി സെല് സഹ കണ്വീനര് അന്മോല് മോത്തി. ജില്ലാ ജനറല് സെക്രട്ടറിമാരായ വിഷണു പ്രവീണ്, ഷിബുരാജ് എന്നിവര് സംസാരിച്ചു.
