കോഴിക്കോട്: ഹോട്ടലില്‍ ഭക്ഷണം പാചകം ചെയ്യവെ എണ്ണയിലേക്ക് തീപടര്‍ന്നു. കൊയിലാണ്ടി അരങ്ങാടത്ത് പ്രവര്‍ത്തിക്കുന്ന സെവന്‍സ് ടീ സ്റ്റാളിലാണ് രാവിലെ തീ പടര്‍ന്നത്.
എണ്ണയുടെ അംശമുള്ളതിനാല്‍ തീ മറ്റിടങ്ങളിലേക്കും അതിവേഗം പടര്‍ന്നു.
ഹോട്ടല്‍ ജീവനക്കാര്‍ ഉടന്‍ തന്നെ സമയോചിതമായി ഇടപെട്ട് തീ കെടുത്തുകയായിരുന്നു.ആര്‍ക്കും പരിക്കില്ല. വിവരം അറിഞ്ഞ് കൊയിലാണ്ടിയില്‍ നിന്ന് അഗ്നിരക്ഷാ സേനയുടെ രണ്ട് യൂണിറ്റ് സ്ഥലത്തെത്തിയിരുന്നു.
ഉദ്യോഗസ്ഥര്‍ സ്ഥിതിഗതികള്‍ വിലയിരുത്തി സ്ഥല പരിശോധനയും നടത്തി.അപകടമില്ലെന്ന് ഉറപ്പാക്കിയാണ് അഗ്നിരക്ഷാ സേന സംഘം മടങ്ങിയത്.
