ബ്രസല്സ് (ബല്ജിയം): ഡയമണ്ട് ലീഗ് ജാവലിന് ത്രോ ഫൈനലില് ഒരു സെന്റീമീറ്റര് വ്യത്യാസത്തില് നീരജ് ചോപ്രയ്ക്ക് സ്വര്ണം നഷ്ടമായി. 87.86 മീറ്റര് ദൂരം പിന്നിട്ടാണ് നീരജ് വെള്ളി മെഡല് നേടി.്. 87.87 മീറ്റര് ദൂരം ഏറിഞ്ഞ മുന് ലോകചാംപ്യന് ഗ്രനഡയുടെ ആന്ഡേഴ്സന് പീറ്റേഴ്സിനാണ് സ്വര്ണം. ജര്മനിയുടെ ജൂലിയന് വെബ്ബര് 85.97 മീറ്ററുമായി മൂന്നാമതെത്തി.
2022ല് ഡയമണ്ട് ലീഗ് കിരീടം നേടിയ നീരജ് ചോപ്ര, തുടര്ച്ചയായി രണ്ടാം വര്ഷമാണ് ഫൈനലില് രണ്ടാം സ്ഥാനത്ത് ഫിനിഷ് ചെയ്യുന്നത്. ജാവലിന്ത്രോയിലെ ഡയമണ്ട് ലീഗ് സീസണ് റാങ്കിങ്ങില് നാലാമതാണ്.
മൂന്നാം ശ്രമത്തിലാണ് നീരജ് 87.86 മീറ്റര് ദൂരം പിന്നിട്ടത്. ആദ്യ ശ്രമത്തില് തന്നെ ആന്ഡേഴ്സന് പീറ്റേഴ്സ് 87.87 മീറ്റര് ദൂരം ഏറിഞ്ഞു. 2022 സീസണില് സൂറിക്കില് നടന്ന ഡയമണ്ട് ലീഗ് ഫൈനല്സില് 88.44 മീറ്റര് ദൂരം പിന്നിട്ടാണ് നീരജ് ഒന്നാമതെത്തിയത്. കഴിഞ്ഞ വര്ഷം 84.24 മീറ്റര് ഏറിഞ്ഞ് ചെക്ക് റിപ്പബ്ലിക്കിന്റെ യാക്കൂബ് വാദ്ലെജ് ഒന്നാമതെത്തിയപ്പോള് 83.80 മീറ്റര് ദൂരം എറിഞ്ഞ നീരജ് രണ്ടാമതായി.
ജന്മഭൂമി ഓണ്ലൈന്