കൊച്ചി: അപകടത്തില്പ്പെട്ട് കഴിഞ്ഞ ദിവസം അന്തരിച്ച ജെന്സന്റെ വേര്പാട് കേരളത്തിന്റെ നൊമ്പരമായി മാറി. വയനാട് ദുരന്തത്തിന്റെ ഓര്മ്മകളില് നീറുന്ന മലയാളിമനസ്സുകള്ക്ക് തീരാത്ത വേദനയായി ജെന്സന് യാത്രയായി.
വയനാട് ദുരന്തത്തില് കുടുംബത്തെ നഷ്ടപ്പെട്ട ശ്രുതിയെ തനിച്ചാക്കി വിടപറഞ്ഞു. അച്ഛനും അമ്മയും സഹോദരിയേയും ഉരുള്പൊട്ടല് എടുത്തപ്പോള് ശ്രുതിയ്ക്ക് കരുത്തായി നിന്നത് ജെന്സനായിരുന്നു. അപ്രതീക്ഷിതമായുണ്ടായ ജെന്സന്റെ വേര്പാടിനെ ശ്രുതി എങ്ങനെ മറികടക്കുമെന്നറിയാതെ ആശങ്കയിലാണ് കേരളക്കര. ഇപ്പോള് ജെയ്സന്റെ വേര്പാടില് വേദന പങ്കുവച്ചിരിക്കുകയാണ് നടന് മമ്മൂട്ടി.
ഫേസ്ബുക്കില് ജെൻസന്റെ ചിത്രം പങ്കുവച്ചുകൊണ്ടായിരുന്നു ഫഹദ് ഫാസിലിന്റെ പ്രതികരണം. കാലത്തിന്റെ അവസാനം വരെ നീ ഓർമ്മിക്കപ്പെടുമെന്ന് ഫഹദ് ഫാസില് പറഞ്ഞു.
ശ്രുതിയുടെ വേദന ചിന്തിക്കാവുന്നതിനും അപ്പുറമാണ് എന്നാണ് മമ്മൂട്ടി സോഷ്യല് മീഡിയയില് കുറിച്ചത്. ജെന്സന്റെ വിയോഗം വലിയ ദുഃഖം ഉണ്ടാക്കുന്നു.. ശ്രുതിയുടെ വേദന ‘ചിന്തിക്കാവുന്നതിനും അപ്പുറമാണ്’.സഹനത്തിന് അപാരമായൊരു ശക്തി ലഭിക്കട്ടെ ശ്രുതിക്കും ജെന്സന്റെ പ്രിയപ്പെട്ടവര്ക്കും. മമ്മൂട്ടി കുറിച്ചു.
അവസാനമായി ഒരുനോക്ക് കാണാന് മൃതദേഹം ശ്രുതിയുള്ള ആശുപത്രിയിലെത്തിക്കുകയായിരുന്നു. നേരത്തെ പള്ളിയില് കൊണ്ടുപോയി കാണിക്കാനായിരുന്നു തീരുമാനിച്ചത്. എന്നാല് ശ്രുതിയുടെ മാനസിക ശാരീരിക അവസ്ഥ മോശമായതിനാല് ആശുപത്രിയിലേക്ക് മൃതദേഹം എത്തിക്കുകയായിരുന്നു.
ചൊവ്വാഴ്ച വൈകിട്ട് കോഴിക്കോട്കൊല്ലഗല് ദേശീയപാതയില് വെള്ളാരംകുന്നിനു സമീപം സ്വകാര്യ ബസും വാനും കൂട്ടിയിടിച്ചുണ്ടായ അപകടത്തില് തലയ്ക്ക് ഗുരുതര പരുക്കേറ്റ ജെന്സന് മേപ്പാടിയിലെ സ്വകാര്യ ആശുപത്രിയില് ചികിത്സയിലായിരുന്നു. വെന്റിലേറ്ററിന്റെ സഹായത്തോടെ ജീവന് നിലനിര്ത്താന് ശ്രമിച്ചങ്കിലും ബുധനാഴ്ച രാത്രിയോടെ മരണം സ്ഥിരീകരിച്ചു. ശ്രുതിയുടെ പ്രതിശ്രുതവരനായിരുന്നു ജിന്സണ്. അമ്പലവയല് സ്വദേശിയാണ്.
