കൊച്ചി: എറണാകുളം പനങ്ങാട് കെഎസ്ഇബി ജീവനക്കാരെ വീട്ടുടമ ക്രൂരമായി മര്ദ്ദിച്ചു.വീട്ടിലെ വൈദ്യുതി വിച്ഛേദിക്കാനെത്തിയ ജീവനക്കാര്ക്കാണ് മര്ദ്ദനമേറ്റത്. സംഭവത്തില് പനങ്ങാട് സ്വദേശി ജൈനിയെ പൊലീസ് പിടികൂടി.ഇയാള്ക്കെതിരെ കേസെടുത്തു.
ചൊവ്വാഴ്ച ഉച്ചയ്ക്ക് 12 മണിയോടെയാണ് സംഭവം. വൈദ്യുതി ബില് അടയ്ക്കുന്നതില് വീഴ്ച്ച വരുത്തിയ പനങ്ങാട് കാമോത്തുളള ജൈനിയുടെ വീട്ടിലെത്തിയ ജീവനക്കാര്ക്കാണ് ക്രൂര മര്ദനമേറ്റത്. വീട്ടിലെ വാടകക്കാരനായ ജൈനിയോട് വൈദ്യുതി വിച്ഛേദിക്കുമെന്നറിയിച്ചപ്പോഴായിരുന്നു ആക്രമണം.
ലൈന്മാന് കുഞ്ഞിക്കുട്ടന്റെ കൈയ്ക്കും താത്കാലിക ജീവനക്കാരനായ രോഹിതിന്റെ തലയ്ക്കും മര്ദ്ദനമേറ്റു. തടയാന് ശ്രമിക്കവെ രോഹിതിന്റെ ഫോണ് തകര്ന്നു. ഇരുവരും തൃപ്പൂണിത്തുറ താലൂക്കാശുപത്രിയില് ചികിത്സ തേടി.
ജൈനിയുടെ പേരില് സമാന പരാതികള് മുന്പും ഉണ്ടായിട്ടുണ്ടെന്ന് പ്രദേശവാസികള് പറഞ്ഞു.
