കൊച്ചി: നടിയെ പീഡിപ്പിച്ചെന്ന കേസില് മുകേഷ് എംഎല്എയുടെ മുന്കൂര് ജാമ്യം റദ്ദാക്കണമെന്ന് ആവശ്യപ്പെട്ട് പ്രത്യേക അന്വേഷണ സംഘം ഹൈക്കോടതിയെ സമീപിക്കും. സര്ക്കാര് അഭിഭാഷകരില് നിന്ന് നിയമോപദേശം തേടിയ പ്രത്യേക അന്വേഷണ സംഘം അപ്പീല് നല്കാനുള്ള നീക്കത്തിലാണ്.
സെഷന്സ് കോടതി മുന്കൂര് ജാമ്യം നല്കിയത് തുടരന്വേഷണത്തെ ബാധിക്കുമെന്ന് ചൂണ്ടിക്കാട്ടിയാണ് അന്വേഷണ സംഘം ഹൈക്കോടതിയെ സമീപിക്കുക. നടിയെ പീഡിപ്പിച്ചെന്ന കേസില് മുകേഷിനും നടന് ഇടവേള ബാബുവിനും എറണാകുളം സെഷന്സ് കോടതി മുന്കൂര് ജാമ്യം നല്കിയിരുന്നു.
കേരളം വിടരുത്, അന്വേഷണവുമായി സഹകരിക്കണം എന്നീ ഉപാധികളോടെയാണ് മുകേഷിന് ജാമ്യം അനുവദിച്ചത്. നടിയുടെ പരാതി വ്യാജമാണെന്നും തന്നെ ബ്ലാക്ക് മെയില് ചെയ്യാന് ശ്രമിച്ചെന്നുമാണ് മുകേഷിന്റെ വാദം.
