ധാക്ക : ബംഗ്ലാദേശിൽ ന്യൂനപക്ഷ ഹിന്ദുക്കൾക്കെതിരെ ഉള്ള അതിക്രമങ്ങൾ വർധിക്കുന്നതായി റിപ്പോർട്ട് . മുഹമ്മദ് നബിയെ അപമാനിച്ചെന്ന് ആരോപിച്ച് തീവ്ര ഇസ്ലാമിസ്റ്റുകൾ ചേർന്ന് ഹിന്ദു ബാലനെ ക്രൂരമായി അക്രമിക്കുകയും , അതിന്റെ ദൃശ്യങ്ങൾ സോഷ്യൽ മീഡിയയിൽ പങ്ക് വച്ച് ആഘോഷിക്കുകയും ചെയ്തു . എഹ്സാനുൽ ഹഖ് എന്ന യുവാവിന്റെ നേതൃത്വത്തിലായിരുന്നു ആക്രമണം .
ബുധനാഴ്ച രാത്രിയാണ് ബംഗ്ലാദേശിലെ ഒരു പ്രാദേശിക മദ്രസയുമായി ബന്ധമുള്ള ഒരു കൂട്ടം തീവ്ര ഇസ്ലാമിസ്റ്റുകളായ വിദ്യാർത്ഥികൾ 15 വയസ്സുള്ള ഹിന്ദു ബാലനെ പോലീസ് സ്റ്റേഷനിലേക്ക് കൊണ്ടുവന്നത്. മുഹമ്മദ് നബിക്കെതിരെ അപകീർത്തികരമായ പരാമർശം നടത്തിയെന്നാരോപിച്ചാണ് കൗമാരക്കാരനെ പ്രതിയാക്കിയത്. പോലീസ് സ്റ്റേഷനിൽ എത്തിച്ച ശേഷം കുട്ടിയെ ക്രൂരമായി മർദ്ദിച്ചു. പിന്നാലെ മദ്രസകളിലെ ആയിരക്കണക്കിന് വിദ്യാർത്ഥികൾ പോലീസ് സ്റ്റേഷൻ വളയുകയും അകത്ത് കയറി കുട്ടിയെ ക്രൂരമായി മർദ്ദിക്കുകയും അബോധാവസ്ഥയിലാക്കുകയും ചെയ്തു. സംഭവത്തിന് ശേഷം പ്രവാചകനെ അപകീർത്തിപ്പെടുത്തുന്ന പരാമർശം നടത്തിയ കൗമാരക്കാരൻ കൊല്ലപ്പെട്ടതായി പള്ളിയിലെ ഉച്ചഭാഷിണിയിലൂടെ അറിയിച്ചു. എന്നാൽ കുട്ടി മരിച്ചിട്ടില്ലെന്നും , അതീവ ഗുരുതരാവസ്ഥയിലാണെന്നുമാണ് റിപ്പോർട്ട്
അക്രമങ്ങൾക്ക് നേതൃത്വം നൽകി ഹഖ് “അൽഹംദുലില്ലാഹ്, ഞങ്ങൾ ഒരു പിശാചിനെ കൊന്നു..!” എന്ന പോസ്റ്റാണ് സമൂഹമാദ്ധ്യമത്തിൽ പങ്ക് വച്ചത് . ഈ പോസ്റ്റിലൂടെ ഹഖ് തന്റെ ക്രൂരത ആഘോഷിക്കുക മാത്രമല്ല അത് മറ്റുള്ളവർ ആവർത്തിക്കണമെന്നും പറയുകയായിരുന്നു .
