ശ്രീനഗർ : ജമ്മു കശ്മീരിലെ ശ്രീ മാതാ വൈഷ്ണോ ദേവി ഭവൻ റോഡിൽ മണ്ണിടിച്ചിൽ . പഞ്ചി ഹെലിപാഡിന് സമീപമുണ്ടായ മണ്ണിടിച്ചിലിൽ മൂന്ന് ഭക്തർക്ക് പരിക്കേറ്റതായി റിപ്പോർട്ട്. മാതാ വൈഷ്ണോ ദേവി ക്ഷേത്ര ബോർഡിന്റെ നേതൃത്വത്തിൽ ദുരിതാശ്വാസ, രക്ഷാപ്രവർത്തനം ആരംഭിച്ചിട്ടുണ്ട്.
ക്ഷേത്രത്തിലേക്കുള്ള വഴി മണ്ണും ചെളിയും നിറഞ്ഞ നിലയിലാണ് . ക്ഷേത്രത്തിലെ ദുരന്തനിവാരണ സംഘം സ്ഥലത്തെത്തി റോഡ് പൂർവ്വാവസ്ഥയിലാക്കാനുള്ള ശ്രമത്തിലാണ് . അതേസമയം സ്ഥലത്ത് തീർത്ഥാടകരെ നിരോധിച്ചിട്ടില്ല . മറ്റൊരു വഴിയിലൂടെ യാത്രക്കാർ ക്ഷേത്രത്തിലേയ്ക് എത്തുന്നുണ്ട്.
മുമ്പ് ഓഗസ്റ്റ് 15 ന്, സൗത്ത് ഡിയോറിക്ക് സമീപമുള്ള ശ്രീ മാതാ വൈഷ്ണോ ദേവി യാത്രാ റൂട്ടിൽ മണ്ണിടിച്ചിലുണ്ടായിരുന്നു. അന്ന് തീർത്ഥാടനം താൽക്കാലികമായി നിർത്തിവച്ചിരുന്നു.
