തിരുവനന്തപുരം: ഹേമ കമ്മിറ്റി റിപ്പോര്‍ട്ട് പുറത്തുവന്നത് മലയാള ചലച്ചിത്ര മേഖലയെ ഉലച്ചിരിക്കെ പുതിയ വെളിപ്പെടുത്തലുകളുമായി എത്തുകയാണ് കൂടുതല്‍ നടിമാര്‍. കാരവനില്‍ നടിമാര്‍ വസ്ത്രം മാറുന്നത് ഒളിക്യാമറ വച്ച് ചിത്രീകരിച്ച വിവരങ്ങള്‍ തമിഴ് നടി രാധിക വെളിപ്പെടുത്തിയതിന് പിന്നാലെ തനിക്കുണ്ടായ അനുഭവങ്ങള്‍ തുറന്നു പറയുകയാണ് നടി ചാര്‍മിള.
മലയാള സിനിമയില്‍ നേരിട്ടത് അങ്ങേയേറ്റം മോശം അനുഭവമാണെന്ന് ചാര്‍മിള പറഞ്ഞു. 28 പേര്‍ മോശമായി പെരുമാറിയെന്ന് നടി വെളിപ്പെടുത്തി.
ഒരു നിര്‍മാതാവ് സുഹൃത്തുക്കള്‍ക്ക് ഒപ്പം ബലാത്സംഗം ചെയ്യാന്‍ ശ്രമിച്ചിട്ടുണ്ട്. ‘അര്‍ജുനന്‍ പിള്ളയും അഞ്ച് മക്കളും’ സിനിമയുടെ നിര്‍മാതാവിനെതിരെയും ചാര്‍മ്മിള ആരോപണമുന്നയിച്ചു.
സംവിധായകന്‍ ഹരിഹരനും വഴങ്ങുമോ എന്ന് ചോദിച്ചിട്ടുണ്ട്. നടന്‍ വിഷ്ണുവിനോടാണ് ഇക്കാര്യം തന്നെ കുറിച്ച് ചോദിച്ചതെന്ന് ചാര്‍മിള പറഞ്ഞു. വഴങ്ങില്ലെന്ന് മനസിലായതോടെ ‘പരിണയം’ സിനിമയില്‍ നിന്ന് ഒഴിവാക്കി. വിഷ്ണുവിനെയും സിനിമയില്‍ നിന്ന് ഒഴിവാക്കി.
മോശമായി പെരുമാറിയവരില്‍ സംവിധായകരും നിര്‍മാതാക്കളും നടന്മാരുമുണ്ടെന്നും ചാര്‍മിള വെളിപ്പെടുത്തി.
