ലക്നൗ : ഗാസിയാബാദ് നഗരത്തിലെ ഫ്ലാറ്റിൽ ആളെ കൂട്ടി ഖുറാൻ പാരായണം ചെയ്ത സംഭവത്തിൽ പൊലീസ് അന്വേഷണം ആരംഭിച്ചു. ചിത്രവൻ സൊസൈറ്റിയിലെ ഫ്ലാറ്റിലാണ് സംഭവം . മുൻ കൂട്ടി അറിയിക്കാതെ നടത്തിയ പരിപാടിയ്‌ക്കെതിരെ ഫ്ലാറ്റുകളിലെ മറ്റ് താമസക്കാർ പരാതിയുമായി രംഗത്തെത്തി.
സംഭവം തിരക്കാൻ ചെന്ന തന്നെ അള്ളാഹു അക്ബർ എന്ന് വിളിച്ച് ക്രൂരമായി മർദ്ദിച്ചതായി ഫ്ലാറ്റിലെ സെക്യൂരിറ്റി ഗാർഡ് പറഞ്ഞു. ഫ്ലാറ്റിലെ സൊസൈറ്റിയുടെ നിയമങ്ങൾ ചൂണ്ടിക്കാട്ടി അനുവാദമില്ലാതെ മതപരമായ ചടങ്ങ് നടത്തിയതിനെ ചോദ്യം ചെയ്തപ്പോഴാണ് തന്നെ മർദിച്ചതെന്നും ഗാർഡ് പറയുന്നു.
ഫ്‌ളാറ്റ് മദ്രസയാക്കി മാറ്റാൻ ഗൂഢാലോചന നടക്കുന്നതായി സൊസൈറ്റിയിലെ മറ്റ് താമസക്കാർ ആരോപിച്ചു. ഇത്തരം സംഭവങ്ങൾ സാമൂഹിക അന്തരീക്ഷത്തിൽ സംഘർഷം സൃഷ്ടിക്കുമെന്നും സാമുദായിക സൗഹാർദത്തിന് ഭീഷണിയാകുമെന്നും അവർ പറയുന്നു.
അതേസമയം മകളുടെ അസുഖം മാറാനാണ് തങ്ങൾ പരിപാടി നടത്തിയതെന്നാണ് പരിപാടി നടത്തിയ കുടുംബം പറയുന്നത് . വിഷയത്തിൽ പോലീസ് അന്വേഷണം ആരംഭിച്ചു.
