കൊച്ചി : തനിക്കെതിരെ ലൈംഗികാരോപണം ഉന്നയിച്ച ജുബിത, മിനു മുനീര് എന്നിവര്ക്കെതിരെ പൊലീസില് പരാതി നല്കി നടന് ഇടവേള ബാബു. സംസ്ഥാന പൊലീസ് മേധാവിക്കും സര്ക്കാര് നിയോഗിച്ച പുതിയ അന്വേഷണ സംഘത്തിനുമാണ് പരാതി നല്കിയത്.
ഇമെയിലിലൂടെയാണ് പരാതി നല്കിയത്.തനിക്കെതിരെയുളള ഗൂഢാലോചനയുടെ ഭാഗമായാണ് ജുബിത, മിനു മുനീര് എന്നിവര് ആരോപണം ഉന്നയിച്ചിരിക്കുന്നതെന്നാണ് ഇടവേള ബാബു പരാതിയില് പറയുന്നത്.
പരാതിയില് കൃത്യമായ അന്വേഷണം നടത്തണമെന്നാണ് ആവശ്യം. അഭിഭാഷകരില് നിന്നും നിയമോപദേശം തേടിയതിനു ശേഷം തുടര് നടപടിയുമായി മുന്നോട്ടു പോകുമെന്ന് ഇടവേള ബാബു വെളിപ്പെടുത്തി.
