ധാക്ക : ബംഗ്ലാദേശിൽ ഇടക്കാല സർക്കാർ രൂപീകരിച്ച് 5 ദിവസങ്ങൾ മാത്രം പിന്നിടുമ്പോൾ സർക്കാരിനെ അസ്ഥിരപ്പെടുത്താനുള്ള ശ്രമങ്ങളുമായി മുഖ്യ പ്രതിപക്ഷ പാർട്ടിയായ ബിഎൻപി . ഇടക്കാല സർക്കാരിലെ ആഭ്യന്തരകാര്യ ഉപദേഷ്ടാവ് ബ്രിഗേഡിയർ ജനറൽ സഖാവത് ഹുസൈൻ രാജിവെക്കണമെന്ന് മുൻ പ്രധാനമന്ത്രി ഖാലിദ സിയയുടെ പാർട്ടി ആവശ്യപ്പെട്ടു.
നേരത്തെ, ബംഗ്ലാദേശിൽ ഹിന്ദുക്കൾക്ക് നേരെയുണ്ടായ അക്രമത്തിൽ സഖാവത് ഹുസൈൻ ക്ഷമാപണം നടത്തുകയും ഹിന്ദു ആഘോഷങ്ങൾക്ക് ശക്തമായ സുരക്ഷാ ക്രമീകരണങ്ങൾ ഏർപ്പെടുത്താൻ നിർദ്ദേശം നൽകുകയും ചെയ്തിരുന്നു. ഇത് മാത്രമല്ല, പോലീസിനെ കൊലയാളികളും ഗുണ്ടകളും ആക്കുന്ന ഇത്തരം രാഷ്‌ട്രീയം ബംഗ്ലാദേശിൽ ഇനി പ്രവർത്തിക്കില്ലെന്നും അദ്ദേഹം മുന്നറിയിപ്പ് നൽകിയിരുന്നു. അതിന് പിന്നാലെയാണ് ഹുസൈൻ രാജിവയ്‌ക്കണമെന്ന ആവശ്യം ഉയർന്നത്.
മാത്രമല്ല ഷെയ്ഖ് ഹസീനയുടെ അവാമി ലീഗിനെ നിരോധിക്കാൻ യൂനുസ് സർക്കാരിന് ഉദ്ദേശ്യമില്ലെന്നും മാധ്യമങ്ങളോട് സംസാരിക്കവെ അദ്ദേഹം പറഞ്ഞിരുന്നു.എന്നാൽ രാജി ആവശ്യപ്പെട്ടത് ഹിന്ദുക്കളുടെ സംരക്ഷണവുമായി ബന്ധപ്പെട്ട് എടുക്കുന്ന കടുത്ത തീരുമാനങ്ങൾ കൊണ്ടാണോയെന്നും സംശയമുണ്ട്. .
