കൊല്ലം:പള്ളിമുക്കില് ഗര്ഭിണി കുതിരയെ ആക്രമിച്ച സംഭവത്തില് ഒരാളെ അറസ്റ്റ് ചെയ്തു.കൊട്ടിയം പറക്കുളം സ്വദേശി അല്അമീന് ആണ് അറസ്റ്റിലായത്.ഇയാള് മൂന്ന് ക്രിമിനല് കേസുകളില് പ്രതിയാണ് .
സംഭവത്തിലെ മറ്റ് പ്രതികള് ഒളിവിലാണ്.പ്രതികള്ക്കായി അന്വേഷണം തുടരുന്നതായി ഇരവിപുരം പൊലീസ് അറിയിച്ചു.
സിസിടിവി ദൃശ്യങ്ങളില് നിന്നാണ് അക്രമികളില് മൂന്നുപേരെ പൊലീസ് തിരിച്ചറിഞ്ഞത്. ക്രിമിനല് കേസുകളില് ഉള്പ്പെട്ടവരാണ് കുതിരയെ ആക്രമിച്ചതെന്ന് അന്വേഷണത്തില് വ്യക്തമായെന്ന് പറഞ്ഞ പൊലീസ് പ്രതികളെ ഉടന് പിടികൂടുമെന്നും വ്യക്തമാക്കി.
അയത്തില് തെക്കേകാവ് ക്ഷേത്ര വളപ്പില് ക്ഷേത്ര ഭാരവാഹികളുടെ അനുമതിയോടെ കെട്ടിയിരുന്ന ഗര്ഭിണിയായ കുതിരയെ ഒരു സംഘം യുവാക്കള് വളഞ്ഞിട്ട് തല്ലുന്നതിന്റെ സിസിടിവി ദൃശ്യങ്ങളാണ് കഴിഞ്ഞ ദിവസം പുറത്തുവന്നത്. കുതിരയുടെ ദേഹമാസകലം മുറിവേറ്റു. സംഭവത്തില് കുതിരയുടെ ഉടമ ഷാനവാസ് ഇരവിപുരം പൊലീസില് പരാതി നല്കിയിരുന്നു. കുതിരയുടെ കാലുകളിലും കണ്ണിന് സമീപവും പരിക്കും ദേഹമാകെ അടിയേറ്റ് നീരുമുണ്ടായിരുന്നു.
