മസ്‌കറ്റ്: ഒമാനില്‍ എണ്ണക്കപ്പല്‍ മറിഞ്ഞ് 13 ഇന്ത്യന്‍ പൗരന്മാരുള്‍പ്പെടെ 16 ജീവനക്കാരെ കാണാനില്ല. ഒമാന്‍ സമുദ്ര സുരക്ഷാ കേന്ദ്രമാണ് ഇക്കാര്യം അറിയിച്ചത്.
പ്രസ്റ്റീജ് ഫാല്‍ക്കണ്‍ എന്ന കപ്പലാണ് മറിഞ്ഞത്. പ്രധാന വ്യവസായ തുറമുഖമായ ദുഖമിലാണ് അപകടം. ക്രൂവില്‍ മൂന്ന് ശ്രീലങ്കക്കാരും ഉള്‍പ്പെടുന്നുവെന്ന് അധികൃതര്‍ അറിയിച്ചു.
കപ്പല്‍ തലകീഴായി മുങ്ങിയെന്നാണ് അറിയുന്നത്.എണ്ണയോ എണ്ണ ഉല്‍പന്നങ്ങളോ കടലിലേക്ക് ഒഴുകുന്നുണ്ടോ എന്ന കാര്യം സ്ഥിരീകരിച്ചിട്ടില്ല.
2007 ല്‍ നിര്‍മ്മിച്ച യെമന്‍ തുറമുഖമായ ഏദനിലേക്ക് പോകുകയായിരുന്ന കപ്പലാണ് മറിഞ്ഞത്. ഒമാന്‍ അധികൃതര്‍ സംഭവസ്ഥലത്ത് രക്ഷാപ്രവര്‍ത്തനം നടത്തുന്നു.
