ന്യൂയോര്ക്ക് : അടുത്ത അക്കാദമിക് സെഷനില് യുഎസില് ഉന്നത വിദ്യാഭ്യാസം നേടുന്ന ഇന്ത്യന് വിദ്യാര്ഥികളുടെ എണ്ണം ഗണ്യമായ വര്ധിക്കാന് സാധ്യതയെന്ന് അമേരിക്കന് നയതന്ത്ര കാര്യാലയവും ഇന്ത്യയിലെ കോണ്സുലേറ്റുകളും. ഈ വര്ഷം വിദേശ വിദ്യാര്ഥികളുടെ എണ്ണത്തില് ഏറ്റവും കൂടുതല് ഇന്ത്യന് വിദ്യാര്ത്ഥികളാകുമെന്നാണ് വിലയിരുത്തല്.
അമേരിക്കന് എംബസിയുടെ കണക്കനുസരിച്ച് യുഎസ് സര്വകലാശാലകള് തിരഞ്ഞെടുക്കുന്ന ഇന്ത്യന് വിദ്യാര്ഥികളുടെ എണ്ണത്തില് കഴിഞ്ഞ മൂന്ന് വര്ഷത്തിനിടെ വന് കുതിപ്പാണ് ഉണ്ടായത്. ഇന്ത്യയില് നിന്നുള്ള സ്റ്റുഡന്റ് വിസകളില് 2023-ല് മാത്രം, 2018, 2019, 2020 വര്ഷങ്ങളേക്കാള് കൂടുതലാണ് യുഎസ് അനുവദിച്ചത്.
2023-ല് അമേരിക്ക ഇന്ത്യക്കാര്ക്ക് 1.4 ലക്ഷത്തിലേറെ പഠന വിസകളാണ് നല്കിയത്. വിദേശ പഠനത്തിനായി പോകുന്ന ഇന്ത്യന് വിദ്യാര്ത്ഥികളില് 69 ശതമാനവും അമേരിക്കയാണ് തിരഞ്ഞെടുക്കുന്നതെന്നാണ് കണക്കുകളില് കാണുന്നത്.
