കൊല്ലം: കടയ്ക്കലില് വീട്ടില് അതിക്രമിച്ചു കയറിയ അജ്ഞാത സംഘം മധ്യവയസ്കന്റെ കാലുകള് തല്ലി ഒടിച്ചു. മുളകുപൊടി എറിഞ്ഞ ശേഷമായിരുന്നു ആക്രമണം.
കൊച്ചാറ്റുപുറം സ്വദേശി ജോയി(52) ക്കാണ് മര്ദ്ദനമേറ്റത്. രാത്രി ഒന്പത് മണിയോടെയാണ് മൂന്നംഗ സംഘം ജോയിയെ വീട്ടില് കയറി ആക്രമിച്ചത്.
വീടിന്റെ മുന് വാതില് തല്ലി തകര്ത്ത് അകത്ത് കടന്ന സംഘം ഹാളില് ടിവി കാണുകയായിരുന്ന ജോയിയെ മാരകമായി ആക്രമിക്കുകയായിരുന്നു. മുറിയില് ഉറങ്ങുകയായിരുന്ന 85 വയസുള്ള അമ്മ കമലാഭായി ശബ്ദം കേട്ടെത്തിയപ്പോള് കണ്ടത് രക്തത്തില് കുളിച്ച മകനെയാണ്.
തൊട്ടടുത്ത് താമസിക്കുന്ന ബന്ധുക്കളെത്തി കടയ്ക്കല് പൊലീസിനെ വിവരം അറിയിച്ചു. പൊലീസ് താലൂക്ക് ആശുപത്രിയിലെത്തിച്ചു. തുടര്ന്ന് തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി. അവിവാഹിതനാണ് ജോയി.
