കാസര്കോട്: കാറഡുക്ക സൊസൈറ്റി തട്ടിപ്പില് പ്രധാന പ്രതികളില് ഒരാള് കൂടി പിടിയില്. കോഴിക്കോട് അരക്കിണര് സ്വദേശി വി. നബീല് ആണ് പിടിയിലായത്.
രണ്ട് കോടിയോളം രൂപ ഇയാളുടെ അക്കൗണ്ടില് എത്തിയതായാണ് പൊലിസ് പ്രാഥമിക പരിശോധനയില് കണ്ടെത്തിയത്.വെളളിയാഴ്ച രാവിലെയാണ് നബീലിനെ പൊലീസ് അറസ്റ്റ് ചെയ്യുന്നത്.
കാറഡുക്ക അഗ്രികള്ച്ചറിസ്റ്റ് വെല്ഫെയര് കോ ഓപ്പറേറ്റീവ് സൊസൈറ്റിയില് നിന്ന് 4.76 കോടി രൂപ തട്ടിയെടുത്ത കേസില് സൊസൈറ്റി സെക്രട്ടറി രതീശന്, കണ്ണൂര് സ്വദേശി ജബ്ബാര് എന്നിവരെ നേരത്തെ അറസ്റ്റ് ചെയ്തിരുന്നു. ഇവരെ ചോദ്യം ചെയ്തപ്പോഴാണ് മൂന്നാമനെക്കുറിച്ച് വിവരം കിട്ടിയത്.
നബീല് ആണ് സാമ്പത്തിക ഇടപാടുകള്ക്ക് ഇടനിലക്കാരന് എന്നാണ് മൊഴി.തുടര്ന്ന് നടത്തിയ അന്വേഷണത്തിലാണ് 34 വയസുകാരനായ ഇയാളെ വീട്ടില് നിന്നും പിടികൂടിയത്.
