മോസ്കോ: റഷ്യക്ക് ഭീഷണിയായി ഏതെങ്കിലും ശക്തികള് എത്തിയാല് സ്വയം പ്രതിരോധത്തിന് ഏത് മാര്ഗവും സ്വീകരിക്കുമെന്ന മുന്നറിയിപ്പുമായി റഷ്യന് പ്രസിഡന്റ് വ്ളാദിമീര് പുടിന്. ഉക്രൈനെതിരെ ആണവായുധം ഉപയോഗിക്കുമെന്ന തരത്തില് ഉയര്ന്ന അഭ്യൂഹങ്ങളുമായി ബന്ധപ്പെട്ട് ചോദ്യത്തിന് മറുപടി നല്കുകയായിരുന്നു അദ്ദേഹം.
നിരന്തരമായി രാജ്യത്തിനെതിരെ ഭീഷണി ഉയരുകയാണെങ്കില് അവിടെ രാജ്യത്തിന്റെ നിലനില്പ്പ് തന്നെയാണ് പരമ പ്രധാനം. രാജ്യത്തിന്റെ പരമാധികാരത്തിന്മേല് കൈകടത്താന് ഒരു ശക്തിയേയും അനുവദിക്കില്ല. ഭീഷണികള്ക്ക്് എതിരെ ആണവായുധം പ്രയോഗിക്കാമെന്നാണ് റഷ്യയുടെ തത്വം. റഷ്യ ആണവായുധം ഉപയോഗിച്ചേക്കില്ലെന്നാണ് പല പാശ്ചാത്യ രാജ്യങ്ങളും കരുതുന്നത്. അവര് രാജ്യത്തിനെതിരെ നിരന്തരമായി ആക്രമണം അഴിച്ചുവിടുന്നു.
നിലവില് രാജ്യത്തിന്റെ തത്വമനുസരിച്ച് ആണവായുധം പ്രയോഗിക്കാന് ആഗ്രഹിക്കുന്നില്ലെന്നും, അതിനായി തങ്ങളെ പ്രേരിപ്പിക്കരുതെന്നും പുടിന് വാര്ത്താ സമ്മേളനത്തില് പറഞ്ഞു.
