കോഴിക്കോട്: ഹോട്ടലിലെ മാലിന്യ ടാങ്ക് വ്യത്തിയാക്കാനിറങ്ങിയ രണ്ട് പേര് ശ്വാസതടസം നേരിട്ട് മരിച്ചു. കോവൂര് ഇരിങ്ങാടന് പള്ളിയിലെ ഹോട്ടലിലാണ് സംഭവം. കൂട്ടാലിട സ്വദേശി റിനീഷ്, കിനാലൂര് സ്വദേശി അശോകന് എന്നിവരാണ് മരിച്ചത്.
വെളളിയാഴ്ച വൈകിട്ട് നാല് മണിയോടെ മാലിന്യ ടാങ്ക് വ്യത്തിയാക്കാനെത്തിയതാണ് തൊഴിലാളികള്. 10 അടി താഴ്ചയിലുളള മാലിന്യ ടാങ്കായിരുന്നു ഉണ്ടായിരുന്നത്.
ആദ്യം ടാങ്കില് ഇറങ്ങിയ ആള്ക്ക് ബോധം നഷ്ടപ്പെട്ടപ്പോള് രണ്ടാമത്തെയാള് രക്ഷപ്പെടുത്താന് ഇറങ്ങി കുടുങ്ങുകയായിരുന്നു. അഗ്നിശമന സേന ഉടന് സ്ഥലത്തെത്തി ഇരുവരെയും പുറത്തെടുത്ത് മെഡിക്കല് കോളേജിലെത്തിച്ചെങ്കിലും ജീവന് രക്ഷിക്കാനായില്ല.മൃതദേഹങ്ങള് കോഴിക്കോട് മെഡിക്കല് കോളേജില് സൂക്ഷിച്ചിരിക്കുകയാണ്.
