ചേര്ത്തല: പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ച പ്രതിക്ക് 10 വര്ഷം തടവും ഒരു ലക്ഷം രൂപ പിഴയും ശിക്ഷ. കാട്ടൂര് ചുള്ളിക്കല് വീട്ടില് തോമസിനെയാണ് (48) നെയാണ് ചേര്ത്തല പ്രത്യേക അതിവേഗ പോക്സോ കോടതി ശിക്ഷിച്ചത്.
2016 ഡിസംബറില് മണ്ണഞ്ചേരി പൊലീസ് രജിസ്റ്റര് ചെയ്ത കേസിലാണ് ശിക്ഷ. അതിജീവിതയുടെ അമ്മയുടെ കൂട്ടുകാരിയും കുടുംബ സുഹൃത്തുമായിരുന്ന യുവതിയുടെ ഭര്ത്താവാണ് പ്രതി. അതിജീവിതയും മറ്റും വാടകയ്ക്ക് താമസിച്ചിരുന്ന വീട്ടില് വച്ച് പല തവണ ലൈംഗിക പീഡനത്തിന് ഇരയാക്കിയതിനെ തുടര്ന്ന് പെണ്കുട്ടി ഗര്ഭിണിയായി. 2016 ഏപ്രില് മാസം മുതല് പെണ്കുട്ടി പീഡനത്തിന് ഇരയായിരുന്നു.
കുടുംബസുഹൃത്തും പ്രതിയുടെ ഭാര്യയുമായ യുവതി വിവരമറിഞ്ഞ് സാങ്കല്പ്പികമായ മറ്റൊരു പേര് പറയാന് പെണ്കുട്ടിയെ പ്രേരിപ്പിക്കുകയും അതനുസരിച്ച് പെണ്കുട്ടി പൊലീസില് മൊഴി കൊടുക്കുകയുമായിരുന്നു.പീന്നീട് പൊലീസ് അന്വേഷണത്തില് അങ്ങനെയൊരാളില്ലായെന്ന് വ്യക്തമാവുകയും യഥാര്ത്ഥ പ്രതിയെ കണ്ടെത്തുകയുമായിരുന്നു.
