റായ് ബറേലി: വോട്ട് തേടിയെത്തിയ രാഹുലിനോട് കല്യാണം കഴിച്ചൂടേ എന്ന് ജനക്കൂട്ടത്തിന്റെ ചോദ്യം. എത്രയും വേഗമെന്ന് മറുപടി. ഇന്നലെ റായ് ബറേലിയിലാണ് കോണ്ഗ്രസിന്റെ ക്രോണിക് ബാച്ചിലറിനോട് ആള്ക്കൂട്ടം ചോദ്യം ഉയര്ത്തിയത്. സംഭവം രാഹുല് ഫാന്സ് റായ്ബറേലിക്കാരുടെ ആരാധനയാണെന്ന് വാദിക്കുന്നുണ്ടെങ്കിലും രാഹുലിന് കാര്യം മനസിലായിട്ടുണ്ടെന്ന് വോട്ടര്മാര് ചൂണ്ടിക്കാട്ടുന്നു.
ടൂറാണ് കോണ്ഗ്രസ് നേതാവിന്റെ രാഷ്ട്രീയമെന്ന് ബിജെപി ആരോപണം ഉന്നയിക്കുന്നതിനിടെയാണ് അപ്രതീക്ഷിതമായി കല്യാണം തെരഞ്ഞെടുപ്പ് വേദിയില് ചര്ച്ചയാകുന്നത്. വയനാട്ടില് ടൂറിന് പോകുന്ന രാഹുല് റായ്ബറേലിയിലും ടൂറിനെത്തിയിരിക്കുകയാണെന്നാണ് നാട്ടില് പതിഞ്ഞ പോസ്റ്റര്.
