ഇസ്ലാമാബാദ്: ജെയ്ഷെ മുഹമ്മദുമായി ബന്ധമുണ്ടെന്ന് സംശയിക്കുന്ന ഫയാസ് ഖാന് എന്ന ഭീകരനെ പാകിസ്ഥാനില് അജ്ഞാതന് വെടിവച്ച് കൊന്നു. കറാച്ചിയിലെ കൊറംഗി മെഹ്റാന് ടൗണ് ഏരിയയിലായിരുന്നു സംഭവം. ഫയാസ് ഖാനെ (37) അയാളുടെ ഓഫീസ് കെട്ടിടത്തിലെത്തിയാണ് അജ്ഞാത സംഘം വെടിവച്ച് കൊന്നത്.
നെഞ്ചില് വെടിയേറ്റ ഫയാസ് ഖാന് സംഭവസ്ഥലത്ത് തന്നെ മരിച്ചു. പോസ്റ്റ്മോര്ട്ടം നടപടികള്ക്കായി ജിന്ന മെഡിക്കല് സെന്ററിലേക്ക് കൊണ്ടുപോയതായി കൊറംഗി ഇന്ഡസ്ട്രിയല് ഏരിയ എസ്എച്ചഒ ഔറംഗസേബ് ഖട്ടക് പറഞ്ഞു. ബൈക്കിലെത്തിയ സംഘമാണ് കൊലയ്ക്ക് പിന്നില്.
അടുത്തിടെ ഭാരതം ഭീകരരായി പ്രഖ്യാപിച്ച പലരും പാകിസ്ഥാനില് അജ്ഞാതരുടെ ആക്രമണത്തില് കൊല്ലപ്പെട്ടിരുന്നു. ഇതില് ഏറ്റവും ഒടുവിലത്തേതാണ് ജെയ്ഷെ ബന്ധമുള്ള ഫയാസ് ഖാന്റെ കൊലപാതകം. പാകിസ്ഥാനില് അഹലേ സുന്നത്ത് വാല് ജമാഅത്ത് (എഎസ്ഡബ്ല്യുജെ) എന്ന സംഘടനയില് സജീവമായിരുന്നു ഫയാസ് ഖാന്. മൂന്ന് മാസത്തിനുള്ളില് കൊല്ലപ്പെടുന്ന മൂന്നാമത്തെ എഎസ്ഡബ്ല്യുജെ അംഗമാണ് ഫയാസ് ഖാനെന്ന് എഎസ്ഡബ്ല്യുജെ വക്താവ് അറിയിച്ചു.
