തിരുവനന്തപുരം: വിവാദ ദല്ലാള് ടി ജി നന്ദകുമാറിനെതിരെ കേസെടുത്ത് പൊലീസ്. ബിജെപി സംസ്ഥാന ഉപാധ്യക്ഷ ശോഭാ സുരേന്ദ്രന്റെ പരാതിയില് പുന്നപ്ര പൊലീസാണ് കേസെടുത്തത്.
അപ്രകീര്ത്തികരമായ പദപ്രയോഗം നടത്തിയെന്ന പരാതിയിലാണ് കേസ്. ഇന്ത്യന് ശിക്ഷാ നിയമത്തിലെ 509ാംവകുപ്പ് പ്രകാരമാണ് കേസ്.
ഈ മാസം 25ന് ദല്ലാള് നന്ദകുമാര് നടത്തിയ പരാമര്ശത്തില് തന്നെ അപകീര്ത്തിപ്പെടുത്തിയെന്ന് ശോഭാ സുരേന്ദ്രന് ആരോപിച്ചിരുന്നു. ബിജെപി നേതാവ് അനില് ആന്റണി, ശോഭ സുരേന്ദ്രന് എന്നിവര്ക്കെതിരെയായിരുന്നു ടി ജി നന്ദകുമാര് ദല്ഹിയില് വാര്ത്താ സമ്മേളനത്തില് ആരോപണങ്ങളുന്നയിച്ചത്. സാമ്പത്തിക ക്രമക്കേട് സംബന്ധിച്ചായിരുന്നു ആക്ഷേപം.
