ന്യൂദല്ഹി: മമതയുടെ ബംഗാളില് താമര വിരിയുമെന്ന് ബിജെപി ദേശീയ അധ്യക്ഷന് ജെ.പി നദ്ദ. സംസ്ഥാനത്തെ 35ലധികം മണ്ഡലങ്ങളില് ബി.ജെ.പി തകര്പ്പന് ജയം രേഖപ്പെടുത്തുമെന്ന്. ഭരണകക്ഷിയായ തൃണമൂല് കോണ്ഗ്രസിന്റെ കീഴില് ജനങ്ങള് മനംമടുത്തുവെന്നും അദേഹം പറഞ്ഞു.
സ്ത്രീകള്ക്കെതിരായ ആക്രമണങ്ങളും അതിക്രമങ്ങളും, സന്ദേശ്ഖാലിയിലെ ഭൂമി കൈയേറിയ ടിഎംസി നടത്തിയ ഭരണത്തിനെതിരെയും നദ്ദ രൂക്ഷമായി വിമര്ശിച്ചു. സ്ത്രീകള് തെരുവിലിറങ്ങുന്നതും തങ്ങള് ഭീഷണിപ്പെടുത്തുന്നതായി പറയുന്നത് വേദനാജനകമാണെന്ന് പറഞ്ഞു. സംസ്ഥാനം ഭരിക്കുന്ന പാര്ട്ടിയുടെ രക്ഷാകര്തൃത്വം ഗുണ്ടകള് ആസ്വദിക്കുകയായണെന്നും അദേഹം പറഞ്ഞു.
ഞായറാഴ്ച ഒരു വ്യക്തിഗത വീഡിയോ പ്രസംഗത്തില്, ബിജെപി ദേശീയ അധ്യക്ഷന് പറഞ്ഞു, ‘മമതാ ബാനര്ജി സര്ക്കാരിന്റെ നിരീക്ഷണത്തില്, ശക്തരും ഗുണ്ടകളും സംസ്ഥാനം എങ്ങനെ കീഴടക്കുന്നുവെന്നും (ഷെയ്ഖ്) ഷാജഹാനെപ്പോലുള്ളവര് സ്ത്രീകളെ എങ്ങനെ ആക്രമിക്കുന്നുവെന്നും ഞങ്ങള് കണ്ടു. സന്ദേശ്ഖാലിയില് അവരുടെ സുരക്ഷയ്ക്ക് ഭീഷണിയുയര്ത്തുകയും ചെയ്യുന്നു.
നിലവിലുള്ള സാഹചര്യം, ചുരുക്കത്തില്, സെന്സിറ്റീവും വേദനാജനകവുമാണ്. സ്ത്രീകളുടെ അന്തസ്സും മാനവും സംരക്ഷിക്കാന് സന്ദേശ്ഖാലിയിലേക്ക് പോയ കേന്ദ്ര അന്വേഷണ ഏജന്സികളുടെ സംഘത്തെ തടയുകയും ആക്രമിക്കുകയും ചെയ്തു. ഇത്തരം ഒരു സര്ക്കാരിനെ ജനം എന്നെ തള്ളി കളഞ്ഞുവെന്നും നദ്ദ പറഞ്ഞു.
