കോട്ടയം: കോട്ടയം ലോക്സഭാ മണ്ഡലത്തിലെ സ്വതന്ത്ര സ്ഥാനാര്ത്ഥി പൊന്കുന്നം സ്വദേശി റോബി മറ്റപ്പള്ളിയെ പോലീസ് അറസ്റ്റു ചെയ്തു. കോടതിയില് ഹാജരാക്കിയതിനെത്തുടര്ന്ന് റിമാന്ഡിലുമായി. ജാമ്യം കിട്ടിയില്ലെങ്കില് വോട്ടെടുപ്പ് ദിനത്തിലും ജയിലിലാവും.
സ്ഥാനാര്ത്ഥിയുടെ പ്രചാരണ വാഹനം പാസില്ലാതെ പര്യടനം നടത്തിയതിനാല് പിടിച്ചെടുത്തിരുന്നു. ഇത് വിട്ടു നല്കണമെന്നാവശ്യപ്പെട്ട് ഇദ്ദേഹം തെരഞ്ഞെടുപ്പ് ജില്ലാ വരണാധികാരി കൂടിയായ ജില്ല കളക്ടറുടെ ഓഫീസിനു മുന്നില് സമരം നടത്തി. പോലീസ് ആവശ്യപ്പെട്ടിട്ടും സമരം അവസാനിപ്പിക്കാഞ്ഞതിനെ തുടര്ന്ന് അറസ്റ്റ് ചെയ്യുകയായിരുന്നു.
ഗ്യാസ് സ്റ്റൗ ചിഹ്നത്തില് സ്വതന്ത്രനായാണ് റോബി മല്സരിക്കുന്നത്. പ്രധാന മുന്നണികളോടുള്ള എതിര്പ്പുമൂലമാണ് മല്സരിക്കാന് തീരുമാനിച്ചതെന്നു ഇദ്ദേഹം പറയുന്നു. മൂന്നു മുന്നണി സ്ഥാനാര്ത്ഥികളെ കൂടാതെ വിവിധ പാര്ട്ടി പ്രതിനിധികളും റോബി അടക്കമുള്ള സ്വതന്ത്രരുമായി പതിനാല് പേരാണ് കോട്ടയത്ത് മല്സരരംഗത്തുള്ളത്.
