ന്യൂദല്‍ഹി: പതിനെട്ടാം ലോക്സഭാ തെരഞ്ഞെടുപ്പിന് ഇന്ന് തുടക്കം. സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി 102 മണ്ഡലങ്ങളിലാണ് വോട്ടെടുപ്പ്.
അരുണാചല്‍ പ്രദേശിലെ 60, സിക്കിമിലെ 32 നിയമസഭാ മണ്ഡലങ്ങളിലേക്കുള്ള തെരഞ്ഞെടുപ്പും ഇന്നാണ്. ആകെ 1.87 ലക്ഷം പോളിങ് സ്റ്റേഷനുകളുണ്ട്, 18 ലക്ഷം ഉദ്യോഗസ്ഥരും.
അയ്യായിരം പോളിങ് സ്റ്റേഷനുകളില്‍ പൂര്‍ണമായും വനിതാ ഉദ്യോഗസ്ഥരാണ്. രാവിലെ ഏഴിന് ആരംഭിച്ച് വൈകിട്ട് ആറിന് വോട്ടെടുപ്പ് അവസാനിക്കും (മണ്ഡലങ്ങള്‍ക്കനുസരിച്ച് സമയം വ്യത്യാസപ്പെടാം).
വോട്ടര്‍മാര്‍ക്ക് അവരുടെ പോളിങ് സ്റ്റേഷന്റെ വിശദാംശങ്ങളും വോട്ടെടുപ്പു തീയതിയും https://electoralsearch.eci.gov.in/ എന്ന ലിങ്ക് വഴി പരിശോധിക്കാം.
