കൊച്ചി: ഫോര്‍ട്ട്‌കൊച്ചിയില്‍ പാലസ്തീന്‍ ജനതയ്‌ക്ക് ഐക്യദാര്‍ഢ്യം പ്രകടിപ്പിച്ച് പതിച്ച പോസ്റ്ററുകള്‍ കീറിയ വിദേശ വനിതയ്ക്ക് ജാമ്യം.ഓസ്ട്രിയ സ്വദേശിനി ജൂത വംശജ സാറ ഷിലാന്‍സിക്കാണ് മട്ടാഞ്ചേരി ജുഡീഷ്യല്‍ ഒന്നാം ക്ലാസ് കോടതി ജാമ്യം അനുവദിച്ചത്.
ഓസ്ട്രിയ എംബസി സാറ ഷിലാന്‍സിക്ക് വേണ്ടി ഇടപെട്ടിരുന്നു.തിങ്കളാഴ്ച വൈകിട്ടാണ് കേസിനാധാരമായ സംഭവം.പാലസ്തീന്‍ അനുകൂല പോസ്റ്ററുകള്‍ കീറി കയ്യില്‍ വച്ച യുവതി പോസ്റ്റര്‍ പതിച്ചവരുമായി തര്‍ക്കിക്കുന്ന വീഡിയോ പ്രചരിച്ചിരുന്നു.
സ്റ്റുഡന്റ്‌സ് ഇസ്ലാമിക് ഓര്‍ഗനൈസേഷന്‍ പ്രവര്‍ത്തകരാണ് പലസ്തീന്‍ അനുകൂല പോസ്റ്ററുകള്‍ പതിച്ചത്. പോസ്റ്റര്‍ കീറിയതില്‍ യുവതികള്‍ക്കെതിരെ എസ്‌ഐഒ പ്രവര്‍ത്തകര്‍ പരാതി നല്‍കിയിരുന്നു.തുടര്‍ന്ന് കേസെടുക്കണമെന്നാവശ്യപ്പെട്ട് പ്രവര്‍ത്തകര്‍ ഫോര്‍ട്ട് കൊച്ചി പോലീസ് സ്റ്റേഷന് മുന്നില്‍ പ്രതിഷേധിച്ചിരുന്നു.
പ്രതികരിക്കാൻ ഇവിടെ എഴുതുക: