കോട്ടയം: കേരളത്തില്‍ എല്‍ഡിഎഫിന്റെ ഭാഗമാണെങ്കിലും താന്‍ ജയിച്ച് ലോക്‌സഭയില്‍ ചെന്നാല്‍ രാഹുല്‍ ഗാന്ധിയെയും കോണ്‍ഗ്രസിനെയും പിന്തുണയ്‌ക്കുമെന്ന് കോട്ടയത്തെ എല്‍ഡിഎഫ് സ്ഥാനാര്‍ത്ഥി സ്ഥാനാര്‍ഥി തോമസ് ചാഴികാടന്‍ ഒരു മാദ്ധ്യമത്തോട്
വ്യക്തമാക്കി. ഇന്ത്യ മുന്നണിയുടെ ഭാഗമായ കേരള കോണ്‍ഗ്രസ് എമ്മിനെതിരെ രാഹുല്‍ഗാന്ധി ഒന്നും പറയില്ലെന്ന് ചാഴികാടന്‍ ആത്മവിശ്വാസം പ്രകടിപ്പിച്ചു.
എന്നാല്‍ പിന്നെ യുഡിഎഫ് സ്ഥാനാര്‍ത്ഥി ഫ്രാന്‍സിസ് ജോര്‍ജിനൊപ്പം രാഹുല്‍ഗാന്ധി പങ്കെടുക്കുന്ന യു.ഡി. എഫ് വേദിയില്‍ എല്‍ഡിഎഫ് സ്ഥാനാര്‍ഥി തോമസ് ചാഴികാടനു കൂടി ഇരിപ്പിടം കിട്ടേണ്ടതല്ലേ എന്ന് ആ മാദ്ധ്യമം ചോദിച്ചതുമില്ല. കോട്ടയത്ത് ഇന്‍ഡി മുന്നണിക്ക് ഇരട്ട സ്ഥാനാര്‍ത്ഥികള്‍ പരമ്പരാഗത എല്‍ഡിഎഫ് – യു.ഡി.എഫ് വോട്ടര്‍മാരില്‍ ഉണ്ടാക്കിയിരിക്കുന്ന ആശയക്കുഴപ്പം ചെറുതല്ല.
അതേസമയം ഒരേ സഖ്യത്തിലെ ഇരട്ട സഹോദരങ്ങള്‍ തമ്മിലുള്ള മത്സരമാണ് കോട്ടയത്ത് നടക്കുന്നതെന്നും തോമസ് ചാഴികാടന്റെ പ്രസ്താവന പൊതുജനങ്ങളോടുള്ള വെല്ലുവിളിയാണെന്നും ബിജെപി ജില്ലാ പ്രസിഡന്റ് ലിജിന്‍ലാല്‍ പറഞ്ഞു.
