ന്യൂദൽഹി: നവരാത്രിയുടെ തുടക്കത്തിലും ഇന്ത്യയിലുടനീളം വിവിധ ഉത്സവങ്ങളുടെ രൂപത്തിൽ ആഘോഷിക്കുന്ന പരമ്പരാഗത ഭാരതീയ പുതുവർഷത്തിൽ പ്രധാനമന്ത്രി നരേന്ദ്ര മോദി ജനങ്ങൾക്ക് ആശംസകൾ നേർന്നു.
“രാജ്യത്തെ എല്ലാ കുടുംബാംഗങ്ങൾക്കും നവരാത്രിയുടെ ആശംസകൾ. ശക്തിയുടെ ആരാധനയുടെ ഈ മഹത്തായ ഉത്സവം എല്ലാവർക്കും സന്തോഷവും ഐശ്വര്യവും ഭാഗ്യവും ആരോഗ്യവും നൽകട്ടെയെന്ന് ഞങ്ങൾ ആശംസിക്കുന്നു. ജയ് മാതാ ദി ” -എക്‌സിൽ ഒരു പോസ്റ്റിൽ മോദി പറഞ്ഞു.
“ഇന്ന് നവരാത്രിയുടെ ആദ്യ ദിനത്തിൽ, മാ ശൈലപുത്രിയുടെ പാദങ്ങളിൽ ഞാൻ എന്റെ ആദരവും പ്രണാമങ്ങളും അർപ്പിക്കുന്നു. രാജ്യത്തെ എന്റെ എല്ലാ കുടുംബാംഗങ്ങളുടെയും ജീവിതത്തിൽ അമ്മ ദേവി പുതിയ ശക്തിയും ഊർജ്ജവും പകരട്ടെ. ” – മറ്റൊരു പോസ്റ്റിൽ അദ്ദേഹം പറഞ്ഞു,
ഉഗാദി, ചേതി ചന്ദ്, സജിബു ചീറോബ, നവ്രേ, ഗുഡി പദ്വ എന്നീ ഉത്സവങ്ങൾക്കും മോദി ആശംസകൾ നേർന്നു. പരമ്പരാഗത പുതുവർഷത്തെ അടയാളപ്പെടുത്തുന്നതിനായി രാജ്യത്തിന്റെ വിവിധ ഭാഗങ്ങളിൽ വിവിധ ഉത്സവങ്ങളാണ് ആഘോഷിക്കുന്നത്.
